Studiuesja e astrologjisë Keti Sula ka treguar se përse kryeministri Edi Rama fitoi zgjedhjet parlamentare të 25 prillit.

E ftuar në emisionin “Ftesë në 5”, ajo tha se Edi Rama ka lindur në vit të bekuar dhe prandaj kryedemokrati Lulzim Basha e kishte të vështirë.

Ndërsa shtoi se kryedemokrati kishte kundër Diellin dhe Hënën.

“Basha nëse do ta shoh në nivel më makro përballë Edi Ramës, energjitë e këtij të fundit janë më të mëdha për momentin.

Edi Rama është i vitit 1964 dhe ky vit ka një super energji. Po ta fillojmë me Jeff Bezoz, Boris Johnson, Michelle Obama, Kamala, etj.

Tani, nuk mendoj që është fajtor i humbjes Basha. Pse? Sepse Basha ditën e zgjedhjeve ka pasur kundër Marsit të tij Diellin dhe Hënën.

Nga ana tjetër Saturni ndodhej kundër Mërkurit të tij që s’i jepte dot lajmin e fitores. Energjia e tij nuk ishte aq e madhe,” -tha ajo.