Të gjithë e duam më të mirën për familjarët dhe miqtë tanë. Financat përbëjnë një brengë të përditshme të njerëzve, dhe zakonisht këto probleme ndahen me më të dashurit, për të kërkuar ndihmë nga ta.

Ndihma financiare duhet të jetë e kufizuar, kjo sepse në shumicën e rasteve huazimi i parave nga familja apo miqtë sjell probleme të ndryshme.

Keni në mendje këto dy arsye para se t’iu huazoni apo të huazoni para nga njerëzit tuaj të afërm.

Hua për kohë të pacaktuar

Për shkak të natyrës joformale, nuk do të ketë qartësi për kohën kur duhet kthyer borxhi. Huadhënësi nuk e di kur do t’i ketë paratë, dhe huamarrësi nuk e di nëse huadhënësit i nevojiten paratë urgjentisht.

Është e vështirë të kërkohet borxhi

Pasi borxhi është në mes të dy njerëzve të afërt, huadhënësi zakonisht kujdeset që huamarrësi të mos ndjehet keq apo në situatë të pa lakmuar. Në shumë raste, kjo e mban peng komunikimin mes tyre. Një gjë e tillë mund t’i bëjë të sikletshme edhe bashkimet familje apo shoqërore.