Revista Time shpall Greta Thunberg person të vitit

11/12/2019 - 18:59

Revista Time e ka shpallur aktivisten kundër ndryshimeve klimatike, Greta Thunberg, person të vitit.

Çdo vit, kjo revistë, e shpall si fitues një personalitet, grup ose lëvizje, që ka pasur më së shumti ndikim në 12 muajt e kaluar.

Në listën e Time këtë vit ishin edhe presidenti amerikan, Donald Trump, kryesuesja e Dhomës së Përfaqësuesve, Nancy Pelosi dhe protestuesit e Hong Kongut.

“Ajo ka arritur të krijojë në botë, një zhvendosje të qëndrimit për këtë çështje, duke kërkuar ndryshime urgjente. Ajo ka ofruar një thirrje morale për ata që janë të gatshëm të veprojnë”, tha revista Time, pasi e shpalli 16-vjeçaren suedeze person të vitit, shkruan Rel.

Por, sipas revistës, “veprimet për klimën janë aq komplekse sa vetë fenomeni dhe Thunberg nuk ka zgjidhje magjike për këtë çështje”.

Thunberg ka qenë favorite për të fituar Çmimin Nobel për Paqe për vitin 2019, mirëpo i njëjti është ndarë për kryeministrin e Etiopisë, Abiy Ahmed.

Më 30 tetor, Greta Thunberg, ka kthyer mbrapsht një çmim për ambientin, bashkë me një shumë të të hollave, me arsyetimin se “lëvizja për klimën nuk ka nevojë për më shumë çmime”. Ajo ka falënderuar Këshillin Nordik për ofrim të këtij shpërblimi, dhe ka thënë se për të është “një nder i madh”.

Mirëpo sipas saj “politikanët dhe njerëzit në pushtet” duhet të dëgjojnë “shkencën aktuale”.

Më 11 dhjetor në kuadët të samitit për klimën të Kombeve të Bashkuara që po mbahen në Spanjë, Thunberg tha se dekada e ardhshme do të përcaktojë të ardhmen e planetit. Ajo akuzoi liderët botërorë se po bëjnë përpjekje të vazhdueshme për të mos bërë ndryshime thelbësore në çështjen e klimës.

/portali DurresLajm/

Na bëni like në facebook!: 

Lajme nga e njëjta kategori

Një grua është bërë lajm i ditës në Britaninë e madhe nga gazeta

Frogmore Cottage, shtëpia e Dukës dhe Dukeshës së Sussex, Harry dhe Meghan është në proces mbylljeje, pas spekulimeve që çifti nuk ka ndë

Për disa njerëz, pasuria është rezultat i një pune të palodhur, ndërsa për disa të tjerë, mjafton ta mendojnë dhe ditën tjetër janë të pa

Disa udhëtarë mbetën të plagosur pasi një dallgë e madhe u përplas në dritaret e trenit, në një kohë kur Britania po përballet me një mot

Një ngjarje e pazakontë është regjistruar gjatë një ndeshje amatore futbolli në Meksikë, ku tifozë të irrituar kaluan rrethimin dhe tentu

Kur tri vjet më parë nisi kjo çështje, u duk se Teo Hernandez mund ta pësonte.

Jaime Botin, një miliarder spanjoll, koleksionist i veprave të artit u dënua me 18 muaj burg dhe u gjobit me 58 milionë dollarë pasi tent

Ish-Zonja e Parë, Michelle Obama feston sot ditëlindjen e saj të 56-të dhe bashkëshorti i ka bërë një dedikim mjaft romantik.

Për 13 vite radhazi ishte një nga personazhet më të njohura dhe të dashura të televizionit shtetëror, por edhe lajmëtarja e propagandës t

Italia është në planet e aktores së njohur Jennifer Lopez për të jetuar.