Ronaldo në version “rockstar”

21/11/2020 - 22:25

Kristiano Ronaldo vazhdon të dhurojë spektakël, por këtë herë edhe jashtë fushës së lojës. Në mënyrë të papritur, ditën e djeshme, sulmuesi i Juventusit është parë që të shndërrohet në një rokstar në “Instagram”-in e tij, siç tregojnë “story”-t e postuara. 35-vjeçari ka habitur të gjithë teksa shihet i veshur me pantallona e jelek lëkure, sigurisht me bustin jashtë, siç e kërkojnë ritmet e kësaj muzike dhe me kitarë në dorë, duke u ekzaltuar nën ritmet e notave të “I Love Rock and Roll” të Xhoan Xhet.

Ronaldo ngjitet në skenën plot zjarr, siç janë edhe tingujt e këngës në fjalë, por e gjitha kjo për një spot publicitar të televizionit kabllor portugez, lidhur me ofertat që po promovojnë për festat e fundvitit. Sepse, fundja, kush më mirë sesa imazhi i Kristianos mund të thithë klientët për çdo kompani të ndryshme në botë, siç tregojnë edhe sponsorët e tij të pafundmë. Por pasi ka ofruar edhe versionin e rokerit, për yllin e skuadrës bardhezi, mbrëmja e sotme mund të sjellë një tjetër surprizë të këndshme, siç është ajo e të mbajturit shiritin e kapitenit për herë të parë nga fillimi, në ndeshjen që Juventusi do të luajë në shtëpi kundër Kaljarit. Një privilegj të tillë Kristiano Ronaldo e ka pasur edhe në sezonin e kaluar, por vetëm për fare pak minuta ndaj Udinezes.

Madje, në atë rast, shiriti kaloi në katër krahë të ndryshëm, duke qenë se pas Bonuçit, i cili ia pasoi Higuainit me t’u thirrur në stol, grada e kapitenit i kaloi Ronaldos, kur edhe “Pipita” la fushën e për ta mbyllur me Blez Matuidin, që iu kalua nga portugezi, pasi edhe ky u thirr që të ulej në stolin e rezervave. Por mbrëmjen e sotme mund të jetë hera e parë që Ronaldo të jetë kapiteni i Juventusit nga minuta e parë, duke qenë se si Kielini dhe Bonuçi janë zyrtarisht jashtë, për arsye dëmtimi.

/portali DurresLajm/

Na bëni like në facebook!: 

Lajme nga e njëjta kategori

I ftohti dhe era dëmtojnë shumë lëkurën dhe kjo periudhë cilësohet nga dermatologët si më delikatja përsa i përket lëkurës.

Ura e famshme e Bosforit në Stamboll, që lidh Turqinë Europiane me atë Aziatike, është veshur me ngjyrat kuqezi mbrëmjen e sotme.

Një tjetër urim i veçantë  ka ardhur për festën e 108-vjetorit të Pavarësisë për Shqipërinë ditën e sotme.

Moderatorja Gerta Gixhari ishte e ftuar së fundmi në "Glamour Zone", me Ester Bylykun.

Deputetja e Partisë Socialiste, Blerina Gjylameti, është bërë nënë për herë të dytë.

Nëse 2020 ju ka lodhur seriozisht nervat, viti i ardhshëm (2021) do të korrigjojë të gjitha sikletet dhe keqkuptimet dhe do t'ju japë lum

Me foton më të bukur, reperi kosovar, Arian Gushi ose ndryshe Gold Ag ka dhënë lajmin se është bërë baba për herë të parë me një djalë.

Në tetor të vitit që lamë pas, shefi i njohur i kuzhinës Renato Mekolli pranoi se është në një lidhje dashurie.

Aktorja dhe skenaristja italiane, Daria Nicolodi ka ndërruar jetë në moshën 70 vjeçare.

Një burrë nga Kenia që gabimisht ishte raportuar i vdekur është kthyer në jetë të martën, ndërsa ndodhej në tryezën e morgut, ku trupi do