Shpiket një spraj hundësh që mbron nga infektimi me Covid-19

13/08/2020 - 18:04

Studiuesit e Universitetit të Kalifornisë, San Francisko, kanë shpikur një spraj hundësh me antitrupa sintetikë, të cilët besojnë se do të ndihmojnë në ndalimin e përhapjes së koronavirusit.

Një ekip i drejtuar nga Michael Schoof krijoi molekulën sintetike që “pengon mekanizmin kryesor të SARS-CoV-2 që lejon që virusi të infektojë qelizat tona,” sipas një raporti në faqen e internetit të universitetit.

Një studim i postuar në serverin bioRxiv thotë se eksperimentet duke përdorur virusin tregojnë se molekula është ndër antiviralet më të fuqishëm kundër COVID-19.

Ndonëse nuk është një vaksinë tradicionale, studiuesit besojnë se një sprucim në ditë me antitrupat sintetikë, të quajtur “AeroNabs”, nga një spraj hundësh ose pompë mund të ofrojnë mbrojtje nga virusi vdekjeprurës deri sa një vaksinë të bëhet e disponueshme, sipas ABC 7 News.

Këto molekula janë më të vogla se antitrupat njerëzorë, dhe mund të manipulohen për të kryer detyra specifike – siç janë lidhja e tyre me proteinat në formë kurorash të koronavirusit.

“Është si një çark për minjtë. Molekula lidhet me njërën nga këto proteina të koronavirusit dhe nuk e leshon më kurrë," tha Manglik.

Studiuesit kërkuan mes rreth 2 miliardë nanotrupave sintetikë përpara se të gjenin kandidatin më të mirë, të cilin ata e ri-modeluan për të qenë edhe më të fuqishëm, raportoi media.

Duke ditur koronavirusin i përdor proteinat e tij në formë kurore për t’u bashkuar me një pjesë të qelizave të mushkërive të quajtura receptor Ace2, studiuesit punuan për të ndaluar këtë mekanizëm.

Kur AeroNabs bashkohet me proteinën e koronavirusit, ai nuk mund të lidhet me receptorin e qelizave të mushkërive dhe rrjedhimisht humbet aftësinë e tij për të infektuar qelizat, raportoi ABC 7 News.

“Shumë më efektive sesa pajisjet mbrojtëse personale në formë veshjeje, ne e mendojmë AeroNabs si një formë molekulare mbrojtjeje që mund të shërbejë derisa vaksinat të sigurojnë një zgjidhje më afatgjatë ndaj COVID-19”, tha bashkë-krijuesi i AeroNabs Peter Walter, profesor i biokimisë dhe biofizikës në UCSF.

Për njerëzit që nuk kanë qasje ose nuk u besojnë vaksinave të koronavirusit, shtoi Walter, AeroNabs mund të jetë një linjë mbrojtëse më e përhershme kundër Covid-19.

Manglik, i cili shpesh përdor nanotrupat në hulumtimin e tij mbi strukturën dhe funksionin e proteinave, tha: “Megjithëse funksionojnë shumë si antitrupat që gjenden në sistemin imunitar të njeriut, nanotrupat ofrojnë një numër avantazhesh unike për terapi efektive kundër SARS-CoV-2 . ”

Ekipi i UCSF është në diskutime me partnerët e mundshëm për të rritur prodhimin për provat klinike.

Nëse janë të suksesshëm, studiuesit synojnë të bëjnë AeroNabs gjerësisht të disponueshëm si një masë parandaluese ose trajtim i lirë, kundër koronavirusit.

/portali DurresLajm/

Na bëni like në facebook!: 

Lajme nga e njëjta kategori

Deputetja e Partisë Socialiste, Blerina Gjylameti është sërish në pritje të ëmbël.

Faqja e Wikipedias që i kushtohet akuzave të abuzimit seksual kundër Donald Trump sapo është pasuruar me një viktimë të re.

Një ciklon mesdhetar, i njohur gjithashtu si Medicane dhe i quajtur “Cassilda” po kalon detin Jon dhe mund të ndikojë në brigjet e Greqis

“Jeta fillon vërtet në të 40-at. Deri atëherë, ti je thjesht duke bërë kërkime”. – Carl Jung

Ditën e sotme, dhjetëra personazhe të njohur të shoëbizit të huaj kanë ç’aktiviziuar llogaritë e tyre në rrjete sociale. 

Tradhtia ngelet një ndër problemet më të mëdha të çifteve, duke u bërë shpeshherë shkak dhe për ndarjen e çifteve!

Të rinjtë britanikë sistematikisht kanë injoruar masat e dhëna nga autoritetet per Covid-19 e kjo u pa edhe së fundmi, në festën e shthur

Edhe pse ky zakon mund të jetë i lidhur me pozicionin gjatë të cilit flinim kur ishim në barkun e nënës, nuk ka të bëjë me fëmijërinë gji

Koha e tepërt e kaluar para ekranit është një ndër problemet kryesore ditët e sotme.  Ju kaloni një numër të mirë orësh duek parë ekranin