Shqiptari gjeti një çantë të mbushur me para dhe e dorëzoi në polici, por shpërblimi i pronarit lë pa fjalë

01/12/2020 - 10:26

Rasti i shqiptarit me prejardhje nga Kosova, Eduard Latifi, i cili ka dorëzuar në polici një shumë të hollash që ka gjetur në rrugë ka bërë bujë të konsiderueshme në mediat zvicerane.

Por, pas jehonës së parë pozitive dhe komplimenteve për Eduardin, ajo që tani po diskutohet është shuma modeste, 100 franga, të cilën ia ka dhënë shqiptarit si shpërblim, gruaja që kishte humbur paratë.

Shuma e shpërblimit për gjetësin e parave nuk rregullohet me ligj në Zvicër. Kodi Civil Zviceran përmend vetëm një “shpërblim të duhur/adekuat për gjetësin”. Andy Theler, zëdhënës i policisë kantonale të Thurgaut, thotë: “Me një shumë prej 6200 franga, 100 franga ndoshta nuk është shpërblimi i duhur për gjetësin. Përvoja tregon se shpërblimi në raste të tilla zakonisht është rreth pesë deri në dhjetë për qind të shumës së gjetur”.

Ndërsa vetë Eduard Latifi thotë: “Kur i gjeta paratë, nuk mendova për asnjë sekondë për shpërblimin që mund të më takojë si gjetës. Thjesht doja t`i çoja në polici sa më shpejt që të ishte e mundur”.

Sipas mendimit të tij, nuk është në rregull të dërgosh në polici diçka që ke gjetur, me shpresën se do të marrësh një shpërblim të lartë. Ai thjesht donte që çanta e gjetur me para, t’i kthehej pronarit. I pyetur për shumën prej 100 franga, ai thotë: “Edhe tani nuk më intereson nëse janë 10, 50 apo 100 franga apo thjesht, një çokollatë si falenderim. Do të mirëprisja një telefonatë personale nga pronarja”.

/portali DurresLajm/

Na bëni like në facebook!: 

Lajme nga e njëjta kategori

Tuna Sejdi dhe Patris Berisha kanë qenë çifti më i diskutuar në mediat rozë këto kohët e fundit.

Çdo 14 shkurt dyqanet e luleve kanë më shumë shitje, restorantet më shumë rezervime dhe të gjithë po mendohen si të surprizojnë dikë.

Agron Duka ka festuar ditëlindjen e tij të 63-të, ditën e sotme.

Si gjithmonë, kundër rrymës! Emmanuel Adebayor, futbollisti nga Togo, i cili ka qenë pjesë e skuadra të mëdha europiane Arsenal, Manchest

Pasi u largua nga Shtëpia e Bardhë, Donald Trump iu kthye pasionit të tij të vjetër; golfit.

Flokët që këputën, maja apo rrënjë të ashpra nuk janë kurrë një eksperiencë e këndshme.

Një dashamirës i maceve që gjeti një kotele të vogël të varrosur në dëborë mendoi se ishte e humbur, por më vonë zbuloi se ishte një nga

Anwar Hadid u rikthye për të punuar në Londër ditën e mërkurë, pasi u kthye nga udhëtimi i tij në Meksikë me të dashurën e tij, Dua Lipa.

Një vajzë 10-vjeçare ka humbur jetën në spitalin Di Cristina në Palermo, për shkak të një sfide në "Tik Tok".