Presidenti i Shteteve të Bashkuara të Amerikës Donald Trump është tallur me fitoren historike të Koresë së Jugut për filmin më të mirë në çmimet Oscar. “Parasite”, i regjisorit Bong Joon Ho, ishte i pari film i huaj që mori çmimin e madh të akademisë.
“Dhe fituesi është…një film nga Koreja e Jugut. Çfarë dreqin ishte e gjitha ajo. Kemi plot probleme me Korenë, me çështjet tregtare. Dhe pas gjithë kësaj, këta çfarë bëjnë? I japin çmimin e filmit më të mirë”.
Përpara qindra mbështetësve në një takim elektoral në Kolorado, kreu i Shtëpisë së Bardhë tha se do të donte kthimin e filmave klasike, duke përmendur Gone With the Wind, një film që bazohet në epokën e luftës civile në jugun e Shteteve te Bashkuara, i vlerësuar me Oscar 80 vite me parë.
Trump sulmoi edhe aktorin Brad Pitt, i cili mori Oscar këtë vit për rolin e tij jo protagonist ne filmin e Tarantinos “Once Upon a Time in Hollywood”. Në fjalimin falënderues, Pitt tha se kishte kohë për të folur më shumë se ish-këshilltari i Sigurisë Kombëtare në Kongres, referuar gjyqit ndaj Presidentit.
“Nuk më ka pëlqyer asnjëherë ai. Është një djalë jo i mençur”.
