Lufta e së enjtes në TV/ Berisha rikthehet te Fevziu, kundër Ramës. Lu, lamtumirë nga Sokol Balla

13/09/2018 - 18:29

Beteja e së enjtes mbrëma po premton të jetë e ashpër që në startin e saj. Sot tre ekranet më të mëdha në vend kanë shpallur një konkurencë dhëmbë për dhëmbë me njëri-tjetrin. I pari u mor vesh lajmi se emisioni i Eni Vasilit, i cili ndryshe nga News 24, nuk do të quhet më “Studio e Hapur” por “Open” do të startojë në Top Channel as më pak as më shumë sesa me vetë Edi Ramën. Kryeministri do të rikthehet të enten në Top Channel pas bojkotit 6-mujor që i bëri emisionit “Të Paekspozuarit” të Ylli Rakipit çka thuhet se ishte edhe një nga shkaqet të largimit të tij nga ky ekran për të shkuar drejt News 24.

Meqë jemi te rikthimet, sensacional është ai i Sali Berishës pas 5 vitesh në studion e Fevziut. Berisha nuk shkelte aty që prej fundit të mandatit të tij si kryeministër kur vendosi t’a bojkotojë Opinion-in, megjithëse ruajti marrëdhënie të mira me mediat Klan. Sipas burimeve brenda emisionit, çështjet kryesore që do të trajtohen janë ato të ndryshimit të kufijve të Kosovës dhe Serbisë, të lidershipit në PD, por nuk do të mundojë edhe kritika ndaj qeverisjes së Ramës. Berisha do të jetë përballë Andi Bejtes, Robert Rakipllarit dhe Lorenc Vangjelit.

Ndërsa dy emisionet e mësipërme kanë në epiqendër rikthimin, Real Story i regjistruar dje në mesditë, do të fokusohet tek një largim. Sokol Balla i ka marrë ndërkohë intervistën e fundit në Shqipëri para largimit (sot) ambasadorit amerikan Donald Lu dhe do të flasë me të lidhur me reformën në drejtësi, bilancin pozitiv apo negativ të saj.

“Sa here foli vendosi fatin e dikujt: Roshit, Llalles, Tahirit, reformes ne drejtesi. Donald Lu largohet nga Shqiperia si ambasadori me i suksesshem por dhe me i kontestuar. Po cilat jane pengjet, dështimet dhe sukseset e tij gjatë tre vjeteve ne Shqiperi”? thuhet në promon e këtij emisioni.

Siç, shihet do të mjaftonte edhe vetëm një nga këto përballje, që e enjtja e politikës të ishte e tejmbushur. Por fakti që të tre emisionet janë në një ditë dhe në të njëjtën orë (21:00) dëshmon se që në startin e saj beteja për audiencë e së enjtes në mbrëmje ka nisur e ashpër.

Marrë nga "Lapsi.al"

/portali DurresLajm/

Na bëni like në facebook!: 

Lajme nga e njëjta kategori

Sezoni i dytë i talent show-t “Top Talent” do të vijë me shumë supriza dhe me një koncept të ri. 

Së shpejti pritet të nisë në Top Channel gara e gatimit ‘Hell’s Kitchen’ ku drejtues do të jetë masterchefi i njohur Renato Mekolli.

Një nga figurat më të njohura të "Top Channel"-it, Monika Stafa, është rikthyer ditën e sotme në ekran, pas 2 vitesh shkëputjeje.

"Merkato" televizive duket se nuk përfunduar ende.

Pas një shkëputjeje prej dy vitesh ka ardhur koha që Renato të rikthehet në ekran për një eksperiencë të re.

Spektakli “Dance With Me” në Tv Klan do të rikthehet sërish këtë sezon me edicionin e tij të pestë.

Ervin Kurti prej dy sezonesh ka qenë pjesë e programit Top Show Magazine bashkë me Albana Osmanin.

Ndonëse këtë sezon u përfol se Luana Vjollca do të prezantojë “Big Brother VIP”, promoja e publikuar nga faqja zyrtare e “Top Channel” tr

Një koncert që shenjoi përmbylljen me sukses të sezonit turistik veror, u zhvillua mbrëmë te zona e “Sfinks”-it në shëtitoren e Durrësit.

Gazetarja Eni Vasili duket se në këtë sezon të ri televiziv nuk do të jetë më pjesë e ekranit të ‘News24’. Burime pranë ‘revistawho.com’,