PS nuk është si Xhoana

08/05/2013 - 11:02

Nga Bledi Mane- Public Enemy

1./Beni, Beni ma laj

Një lavire e përdalë, kokallë e gjallë veshur firmato binte në sy plot rrudha dhe e super plakur. Me tanga mbi bythë, bythë të fishkura e gjokse të varura. Herë dukej si femër e pështirë, e herë si transeksual i lodhur prej profesionit të pallimit. U shfaq të hënën e parë të majit nëpër ekrane dhe ua rrëmbeu logjikë e ndjenjë shqiptarëve hamshorë. Parakalonte si një Miss inoçente dhe e paprekur, përkëdhelej plot hojna dhe si virgjëreshë amatore tërhoqi goxha vëmendje. U harbuan taksapagues e dembela, rini e pleqëri u araks, madje edhe Ndue Gjini në Laç priti orën 12 të mesnatës e pasi u dorëzuan listat te këqëzëja e Lefterisësësë ngriti pushkë dhe vrau Dedë dhe Luigj Vukën. Kurrsesi Ndue-ja nuk mund të linte pa parë sfilatën e radhës së asaj lavires karaputanë me emrin Politika Shqiptare.

Të hënën mbrëma as Vera Grabocka, as Ardit Gjebrea, as Petri Bozo, as Zhaneta Ciko e as Pali Kuke nuk kishin orkestruar asgjë. Spektakli mbante për regjisorë pengmarrës profesionistë dhe ne, ne bastexhinjtë e fateve të këtij vendi argëtoheshim si syleshë pa pikë sedre dhe brohorisnim e mallkonim mbi nominimet që politika i pillte si me frymë të shenjtë nga sqetullat ku leshi dhe era e djersës kimikatonion e helmonin përtej ekraneve.

Përsëri politika na tërhoqi vëmendjen, na tërhoqi madje edhe veshët e ne iu bindëm. Në spektakël nuk kishte të ftuar të huaj specialë por spontanisht, “spontanisht” pra zbriti në skenë Ben Malaj, i cili shfryu rreth dy minuta për diktatorët e rinj e iu sul me vrap këqëzësë se i skadonte afati të çonte dokumentacionin si i pavarur. Fat që gjeti krejt rastësisht një taksi para selisë së pësësë, fat që ato minuta të mbetura mblodhi rreth 3 mijë firma zgjedhësish, fat që gjeti hapur një zyrë noterie buzë Lanës së Lulit dhe pasi mbaroi punë siç ia kërkon Kodi Zgjedhor spanjoll i kaçtriotit mallakastriot mbajti frymën te dera e Lefterisë së Jozefinës.

Ndërkohë që Politika Shqiptare përdridhej e sfilonte, pa ftesë e pa biletë u pa të hynte në sallën e spektaklit edhe Tosi, Tos Nano. Si qejfli femrash e haremesh nuk ndenji dot pa komentuar dhe pasi krejt rastësisht Tur Zheji treqindegjashtëDHJETë gradëshi e mori në telefon, vetë Tosi i lyer me këna më të ndezur këndoi këngën e radhës.

2./Tosi, Tosi plot trishtim

Moskandidimi i Ben Malajt ia kishte plasur zemrën dhe po e vutë re porsi Berisha, edhe Tosit i ishin ënjtur qeskat poshtë syve. Njeriu që burgoste i qeverisur dhe qeveriste i burgosur kishte kohë që kishte humbur. Pas dështimit për t’u mustaqezuar si nishan në presidencë, pas nismave halabake për ka-thar-is, pas aventurave të një adoleshenti të vonuar, pas kompromiseve me xhelatin e burgosjes së tij dhe pas një hakmarrjeje të gjatë ndaj partisë që vetë e lindi e vetë e abandonoi, kapardisur dje dhe sot veç tymnaja shpërndahu.

Ky çun Blloku e ky çun Bënçe nuk u pa kurrë të fliste për dhimbjet e varfërisë së këtij vendi. Nuk u shfaq kurrë i revoltuar të atakonte atë sistem drejtësie që si dikur i është kthyer hakmarrjes politike si më 1993-shin. Nuk pati kurrë kohë që si akademik të pshurrte mbi arsimimin universitar vendas që po gangrenizon mendjet e gjeneratave dhe si pacient i spitaleve vieneze asnjëherë nuk u pa t’i ofronte një dozë të vetme viagre shëndetësisë shqiptare impotente.

Daljet e befta të këtij ish- burri shteti në kohë delikate, shfaqin më së mirë kapacitetin e vakët të tij financiar. Sa herë kumarxhiu Nano shënon emrin në lista kazinosh i avitet Berishës si kaç i zi për të marrë shpërblimin e radhës me shpresë se aty përballë në ish shtëpinë e tij do të bëjë gjëmën.

Nuk kërkoi as privatisht e as publikisht të kontribuonte në hartim listash sepse e di tashmë që dera e pësësë i mbyllet në fytyrë. Nuk besoj se kanë garanci te ish- idoli i tyre as Gramozi, as Edi, as Fatmiri, as Arta, as Vali, as Bashkimi, as Beni. Lojërat e marionetave të Tosit morën fund me llokmat berishiane të bamirosura të 2007-ës dhe ecejaket spontane të ndonjë rezistenti të fundit mbeten të mekura.

Tos Nanon e vlerësoja dikur për batutat, për perversitetin e sforcuar, për liberalizmin dhe finesën në të bërin e politikës por kurrsesi nuk mund ta fal pse i fali burgosjen Berishës dhe pse u konvertua nga një hetero në një homopolitik. Ai vazhdon flejë në një krevat e të pallohet me një pensionist të kamur si Berisha duke menduar se ia hedh edhe gruas edhe partisë. Këtu të ndalemi pak. Partia Socialiste nuk është më si Xhoana Nano.

 

/portali DurresLajm/

Na bëni like në facebook!: