VV thërret shqiptarët në protestë: Të gjithë kundër ardhjes së kriminelëve serbë në Tiranë

06/05/2019 - 07:39

Qendra e Lëvizjes Vetëvendosje në Shqipëri ka thirrur qytetarët shqiptarë në protestë të mërkurën në orën 18:00, kundër vizitës së presidentit serb, Aleksandër Vuçiç dhe Miloard Dodik në Tiranë.

Ftesa shkon për të gjithë shqiptarët, pa dallime partiake.

Protesta do të mbahet para monumentit të “Vëllezërve Frashëri”, bulevardi “Dëshmorët e Kombit”.

VV thotë se protesta është thirrur kundër politikave shovinistë të Serbisë ndaj shqiptarëve.

Ata argumentojnë se deri më sot, s’ka pendesë, s’ka keqardhje, s’ka kërkimfalje, s’ka dëmshpërblim, prandaj: s’ka mirëseardhje për  Aleksandër Vuçiçin dhe Milorad Dodikun.

Deklarata e plotë e VV:

Kundër ardhjes së kriminelëve serbë në Tiranë

Disa orë pas komunikatës së djeshme të Qendrës së Lëvizjes VETËVENDOSJE! në Shqipëri, institucionet e Republikës konfirmuan zyrtarisht emrat e të gjithë përfaqësuesëve politikë që vinë në Tiranë në datat 8-9 maj 2019, për të marrë pjesë në takimin “Brdo-Brione”. Ashtu siç kishim paralajmëruar, mes pjesëmarrësve në këtë takim, u konfirmua edhe ardhja e Aleksandar Vuçiçit dhe Milorad Dodikut, dy kriminelëve që udhëheqin Serbinë dhe “Republika Srpska” me synime të qarta ekspansioniste ndaj shqiptarëve, e më gjërë në Ballkan. Për krimet e luftës, prej këtyre dy politikanëve të shovinizmit serb, deri më sot, s’ka pendesë, s’ka keqardhje, s’ka kërkimfalje, s’ka dëmshpërblim, prandaj: s’ka mirëseardhje! Sipas mediave, Vuçiçi dhe Dodiku vinë në Tiranë në mbrëmjen e datës 8 maj. Ftojmë qytetarët të na bashkohen ditën e mërkurë, data 8 maj, në ora 18:00, para monumentit të “Vëllezërve Frashëri”, Bulevardi “Dëshmorët e Kombit”, për të shprehur simbolikisht dhe në mënyrë paqësore kundërshtimin ndaj politikave supremaciste serbe që rrezikojnë kombin shqiptar, si dhe drejtësinë e paqen në rajon. Për shqiptarët, Vuçiçi dhe Dodiku janë persona non grata. Tiranë, 05 maj 2019

Lëvizja VETËVENDOSJE!

Qendra në Shqipëri

/portali DurresLajm/

Na bëni like në facebook!: 

Lajme nga e njëjta kategori

Kryetari i Këshillit të Lartë të Prokurorisë, Genti Ibrahimi, në intervistë për DW paraqet argumentat pse me SPAK-un në Shqipëri do të fi

Aleanca për Mbrojtjen e Teatrit është duke zhvilluar një dëgjesë me përfaqësues të Partisë Demokratike.

Deputetja Rudina Hajdari ka folur për Zërin e Amerikës për situatën në vend dhe zhvillimet e fundit.

Zbardhet kallëzimi i Partisë Demokratike për 30 qershorin me anë të të cilit, PD i kërkon prokurorisë të hetojë krimet elektorale.  Mësoh

Ish-deputetja e Partisë Demokratike, Grida Duma tha sot gjate nje deklarate per shtyp se kryeministri “Edi Rama refuzoi fondet nga BE për

Kryeministri i Shqipërisë Edi Rama ka reaguar për thirrjen në Hagë të Ramush Haradinajt.

Presidenti i Republikës Ilir Meta ka reaguar pas dorëheqjes së kryeministrit të Kosovës Ramush Haradinaj.

Kreu i opozitës, Lulzim Basha ka vlerësuar dorëheqjen e Ramush Haradinajt si aktin e një njeriu që vë Atdheun mbi gjithçka.

"As është parë e as dëgjuar deri më sot, kjo që ndodhi në Gjykatën e Durrësit!"