Portali "DurrësLajm" kërkon të punësojë një gazetar/e për web, të interesuarit të dërgojnë CV-në në adresën e email: [email protected]

Kandidatja Valbona Sakollari: Votoni kandidatët e BD-së, nëse e gjeni veten tek ne (VIDEO)

08/04/2021 - 19:26

Intervistoi Mila Ballhysa

Bindja Demokratike është një nga partitë e vogla të përfshira në garën elektorale për zgjedhjet e 25 prillit. Në Durrës, kryesuesja e listës është Valbona Sakollari, të cilën shumë durrsakë mund ta kujtojnë si një nga dy kandidatet femra që garuan më 30 qershor 2019 për postin e kryebashkiakes.

Në këto zgjedhje, BD ka vendosur që listat e saj të jenë komplet të hapura, pra secili kandidat, pavarësisht renditjes, nëse mbledh votat e nevojshme për mandatin e deputetit, mund të shkojë në parlamentin e ardhshëm.

Duke krahasuar situatën si ishte dy vite më parë dhe si është aktualisht, kandidatja Sakollari pranon se është përkeqësuar, kjo dhe për shkak të dy fatkeqësive natyrore, tërmeti dhe pandemia Covid-19.

Sakollari thotë se edhe këtë vit, ashtu si dy vite më parë po zhvillon një fushatë atipike, këtë herë të kushtëzuar nga pandemia, që nuk lejon grumbullimet me shumë qytetarë. Nga ana tjetër, Sakollari pranon se fakti që janë parti e vogël i penalizon, sepse elektorati ndihet nën presionin e partive të mëdha që u kërkojnë votën.

“Perceptimi që të vjen nga elektorati është pak i luhatur, pak i ndrojtur. Elektorati ndihet shumë nën presion, edhe për shkak të rëndësisë që kanë këto zgjedhje por edhe numrit të madh të forcave politike, që janë përfshirë në këto zgjedhje”,- thotë ajo. 

Në intervistën për “DurrësLajm”, Sakollari shpjegon disa nga pikat më të rëndësishme të platformës elektorale të Bindjes Demokratike të fokusuara sidomos në “reformat transformuese që kanë të bëjnë me mënyrën e politikëbërjes në Shqipëri, duke filluar që nga ndryshimet kushtetuese, të cilat duhet të kufizojnë pushtetin e kryeministrit. Nga pikpamja ekonomike, platforma jonë synon të ndikojë si ofertën ashtu edhe kërkesën si dy elementët thelbësorë dhe të vetmit që mund të ndikojnë në rritjen ekonomike. Kjo bëhet përmes taksës së sheshtë 10%, por dhe reduktimit të TVSH-së nga 20% në 15% ”.

Kandidatja për deputete ka dhe një apel për të gjithë votuesit e qarkut Durrës që “të dalin të votojnë më 25 prill dhe nëse e gjeni veten tek Bindja Demokratike, votoni kandidatët tanë”.

/portali DurresLajm/

Video: 
Na bëni like në facebook!: 

Lajme nga e njëjta kategori

Kandidati për deputet i PD për Durrësin, Ferdinand Xhaferaj është takuar sot me përfaqesues të biznesit të vogël.

Në një takim me të rinjtë e FRESSH Shijak kryetari i bashkisë Elton Arbana është shprehur: Të rinjtë janë e ardhmja!

Kandidatët për deputetë të Partisë Socialiste për qarkun e Durrësit kanë zhvilluar një takim me profesionistët e rinj të qytetit.

Kreu i Partisë Socialiste, Edi Rama ka zhvilluar takimet elektorale në Vlorë, ku u shpreh se nuk kërkon asnjë votë për vete.

Nga Vlora, ku po zhvillon një takim me qytetarët, Rama nuk i ka kursyer thumbat për presidentin Ilir Meta dhe kandidatin e PD, Bujar Leks

Kryedemokrati Lulzim Basha, në një takim me fermerët në fshatin Grevë të Dibrës, tregoi planin e Partisë Demokratike për këtë kategori.

Kryedemokrati Lulzim Basha, në një takim me qytetarët e Maqellarës në Dibër, tha se ndryshimi është fare pranë dhe i bëri të gjithëve thi

Presidenti Ilir Meta i është përgjigjur ditën e sotme nga qyteti i Fierit, kryeministrit të vendit Edi Rama me të njëjtat tone të ashpra.

Drejtuesi Politik i Qarkut Durrës, Edi Paloka ka zhvilluar takimin e radhës në lagjen e Shkallnurit.