Oketa letër të djathtëve: Të kërcënuar nga pazari Rama-Basha

Postuar: 19/06/2017 - 11:06

Gazmend Oketa, Kryesuesi i listës së partisë Fryma e Re Demokratike për qarkun Tiranë, përmes një letre publike i drejtohet qytetarëve të votojnë nr. 11 në zgjedhjet e së dielës.

Oketa thotë se një numër i madh qytetarësh, partish politike, sidomos partitë e djathta të përbëra nga ish-të përndjekur politikë, ish-pronarë, ish-dhjetoristë apo reformatorë, liberalë apo monarkistë, të gjithë pa përjashtim, janë të kërcënuar nga pazari i radhës midis dy individëve. Të gjithë janë të kërcënuar në identitetin e mbijetesën e tyre, thotë Oketa.

Letra e plotë:

Të dashur qytetarë, miq, kolegë dhe votues të së djathtës në Shqipëri,

Prej një muaji dy partitë e vjetra politike kanë rënë dakord në bisedime të fshehta për të eliminuar të gjitha partitë e vogla dhe për të krijuar një sistem dypartiak, ku palët të mbështetësin njëra tjetrën në ndarjen e pushtetit dhe privilegjeve të tij.

Ato nuk biseduan dhe as ranë dakord të bëjnë reformat që ne duam, as të reformojnë sistemin zgjedhor që bashkërisht deformuan në prill 2008, as të kalojnë në zgjedhjen direkt nga qytetarët të Presidentit të Republikës, as për kufizimin e numrit të deputetëve nga 140 në 100, as për tu dhënë fund praktikave monopol në treg dhe në politikë, as për të depolitizuar komisionet zgjedhore dhe për t’i hapur rrugë zgjedhjeve vërtetë të lira ku vota e gjithsecilit numërohet dhe vlen, as për të përshpejtuar procesin e integrimit në BE dhe as për ta jetësuar vetingun në drejtësi, si hap të parë drejt nevojës jetike për veting edhe në politikë.

Jo miq.

Ato ranë dakord të kontrollojnë partitë e tyre dhe të përjashtojnë kritikët, tu mbyllin gojën partive të treta dhe të ndajnë mes tyre klientelën e pushtetit.

Në këto rrethana një numër i madh qytetarësh, partish politike, sidomos partitë e djathta të përbëra nga ish të përndjekur politikë, ish pronarë, ish dhjetoristë apo reformatorë, liberalë apo monarkistë, – të gjithë pa përjashtim, janë të kërcënuar nga pazari i radhës midis dy individëve, të gjithë janë të kërcënuar në identitetin e mbijetesën e tyre.

Shikoni fushatën: cili kryetar partie i të djathtës është ftuar për të folur në takimet e “të djathtës”, cili ish i përndjekur është futur në listat elektorale të PD, cili ish pronar është futur në vendet fituese të listës shumëemërore, cila media e kontrolluar i jep hapësirë mendimeve të atyre që nuk janë dakord me sistemin korruptiv dy e tre partiak në Shqipëri?

Asnjë.

Sepse marrëveshja nuk është ajo qëështë shkruar në letër, por ajo që nuk është shkruar, që i fshihet publikut dhe që përbën thelbin e marrëveshjes, – mbijetesën e dy kryetarëve në partitë e tyre dhe në garën elektorale 2017.

Shqipëria është më e madhe sesa dy parti, demokracia është shumë më përfaqësuese sesa listat e dy individëve, nevojat dhe sfidat e vendit kërkojnë shumë më tepër kontribut e alternativa sesa ato që ofron pazari politik Rama-Basha.

Pikërisht për këtë arsye, duke besuar se ky vend ka ende shpresë të ndryshojë dhe se ende ka vend për zërat e arsyes, njerëzit e ndershëm dhe platformat që ofrojnë një model të ri politik, unë ju ftoj ju miq e kolegë, qytetarë të nderuar dhe të pa përfaqësuar, – pavarësisht nga siglat partiake dhe përvoja juaj gjatë tranzicionit, të më bashkoheni me 25 Qershor me votën tuaj.

Premtimi im është i thjeshtë: do ju përfaqësoj dhe do të mundësoj që në parlamentin e ri e djathta moderne, tradicionale dhe liberale të ketë zërin qytetar dhe tëçlirohet nga litarët që dy kryetarë partish u vunë në fyt mbrëmjen e 17 majit.

Unë respektoj idetë tuaja politike, respektoj garën dhe kontributin tuaj për të ruajtur dinjitetin dhe për të mos u asimiluar nga ofertat korruptuese të pushtetit. Pikërisht ngaqë ju respektoj kam bindjen se bashkimi i votave rreth vlerave dhe një projekti të përbashkët, do jetë shans i të gjithëve për të mos e hedhur votën në Drin apo në Vjosë siç kërcënojnë partitë e vjetra.

Unë dua tu kërkoj votën edhe duke u vet-ofruar si shans që vota e juaj me 25 qershor të ketë vlerë dhe të shkojë tek ato çështje e parime që ju besoni dhe që në shumicë gjenden në formimin tim, në programin tim, në vizionin tim për të ardhmen e përbashkët.

Në një rast të njëjtë unë do ta bashkoja votën me ju, ndaj kam besim se elitat qytetare të këtij vendi, që i janë ndodhur në krah në ditët më të vështira, do të arrijnë me kurajë e arsye ti japin një mësim të mirë atyre që erdhën në pushtet me premtimin të ishin shërbëtorët tuaj dhe që pas 17 majit janë shndërruar në padronët e të sotmes dhe të ardhmes tuaj.

Miq, votoni numrin 11, FRD në fletën e votimit. Nuk është aty një sigël e thjeshtë partie, por pas saj jam unë, një si ju, një që më njihni dhe më gjykoni, një njeri që nuk është përfshirë në asnjë aferë politike korrupsioni dhe që ka ditur të thotë mjaft kur pushteti ka abuzuar.

Me respekt të veçantë dhe urimet më të mira për ju e familjet tuaja,

Miqësisht

Gazmend Oketa

/portali DurresLajm/

Na bëni like në facebook!: 

Lajme nga e njëjta kategori

   Deputetja e PD Grida Duma, në ditën kur Partia Demokratike mbush 27 vjeç që nga koha e themelimit, thotë se urimi i madh dhe mirënjohë

   Kryetari i Partisë Demokratike Lulzim Basha, gjatë fjalës së tij me rastin e 27-vjetorit të themelimit të Partisë Demokratike, foli pë

   Partia Demokratike është mbledhur për të kujtuar dhe festuar 27 vjetorin e krijimit të saj dhe të ndryshimit të sistemit në vend.

   Përmes një statusi në Facebook, ish deputeti demokrat Astrit Patozi ka komentuar 27vjetorin e themelimit të PD-së.

   Kryetari i Kuvendit, Gramoz Ruçi priti sot në një takim të veçantë Presidentin e Malit të Zi, Filip Vujanović, në kuadër të vizitës së

Partia Demokratike feston sot 27 vjetorin e krijimit si forcë politike, e cila do të sillte ndryshimin e jetëve të miliona shqiptarëve pa

*Prag 2018-ta, lirohen vendet e drejtorëve në bashkinë e Durrësit.

Presidenti Ilir Meta ka folur për herë të parë për çështjen e Prokurorit të ri të Përgjithshëm, nisur nga debatet mes maxhorancës dhe opo

Petrit Vasili, kreu i Grupit të LSI-së, ka ngritur zërin sot për një emergjencë kombëtare: "Kryeministri do që të vjedhë kryeprokurorin,