12 vite burg për Tahirin, Bardhi: Është show, i duhet Ramës para vizitës në Gjermani

11/09/2019 - 22:55

Sekretari i Përgjithshëm i Partisë Demokratike, Gazment Bardhi duke u ndalur tek çështja “Saimir Tahiri” e komentoi pretencën e prokurorisë me 12 vite burg të ish-ministrit si show. 

“Ne e kemi bërë të qartë dhe koha po na jep të drejtë se gjithë ai process gjyqësor dhe sjellja e Prokurorisë me çështjen e Saimir Tahirit është një show. Pra janë në rol Saimir Tahiri, Prokuroria dhe Gjykata. Janë në të njëjtin rol, atë të mbrojtjes së ish-ministrit të Brendshëm Saimir Tahiri. Pretencën 12 vjet burg nga prokuroria e shoh në të njëjtën logjikë apo linjë veprimi siç ishte edhe kërkesa për arrestim. Ju kujtoj që këtë javë kryeministri i Shqipërisë viziton Gjermaninë dhe sa herë, përpara se të vizitojë Gjermaninë, duke qenë se Gjermani e ka një nga kushtet për hapjen e negociatave procesin e rregullt dhe dënimin e e zyrtarëve të përfshirë në këtë dosje, edhe Saimir Tahirin të përmendur me emër të përveçëm, Edi Rama përdor prokurorinë për të bërë një lëvizje.  Ju kujtoj takimin e tij në Berlin dhe ju ftoj të hapni arkivat”, u shpreh ai.

Më tej shtoi:

“Pak ditë përpara takimit të shkuar me kancelaren Merkel, nxiti prokurorinë të bënte gjoja sikur kërkonte arrestimin e Saimir Tahirit dhe pas takimit e pamë të gjithë se nuk ndodhi. Në të njëjtën formë po vepron edhe tani.  Dua të sjell në vëmendje se të kërkosh për një person 12 vite burgim me akuzën e trafikut ndërkombëtar të lëndëve narkotike në kuadër të grupit të strukturuar kriminal dhe personi të jetë në gjendje të lirë, kjo ndodh për herë të parë në 30 vite. Nuk ka ndodhur kurrë që të kërkohen 12 vite për një person, që tregon se ka rrezikshmëri të lartë shoqërore, pra ka mundësi të prishë prova, dhe ai të gjykohet apo të hetohet në gjendje të lirë. Pra, e gjitha kjo është një show. E kemi thënë që në fillim, Edi Rama është peng i Saimir Tahirit, për shkak të dosjes së  vëllait të tij, dosjes “Xibraka”, deklaroi Bardhi.

/portali DurresLajm/

Na bëni like në facebook!: 

Lajme nga e njëjta kategori

Kryeministri Edi Rama e ka quajtur lajmin e publikuar nga RAI 3 mbi 12-fishimin e kanabisit në Shqipëri si një turp gazetarest.

Kreu i grupit parlamentar socialist, Taulant Balla ndodhet në Bruksel ku ka nisur një ditë intensive në Parlamentin Europian.

Në një deklaratë për mediat, nënkryetari i LSI-së, Petrit Vasili ka reaguar lidhur me videon e transmetuar në median italiane RAI 3 ku th

Ministri në Detyrë për Evropën dhe Punët e Jashtme, Gent Cakaj ka pritur sot në një takim kortezie Ambasadoren e sapoemëruar të Shteteve

Kryeministri Edi Rama pritet të takohet këtë të martë me Presidenten e Komisionit Europian, Ursula von der Leyen.

Kryeministri Edi Rama ka zbuluar se patentat shqiptare do të njihen në Gjermani dhe Greqi, temë e diskutuar ditën e djeshme në Berlin, gj

Gjeniu i letrave shqiptare, Ismail Kadare, feston sot 84-vjetorin e lindjes.

Zëvendëskryeministri dhe ministri i Jashtëm në largim i Kosovës Behgjet Pacolli, ishte mbrëmë në “Opinion” në Tv Klan.

Partia Demokratike reagon pas publikimit të raportit në televizionin Italian RAI 3, sipas të cilit, sasia e kanabisit në Shqipëri, krahas

Sekretari i Përgjithsëhm Gazment Bardhi ka bërë një paralajmërim për një tjetër kryebashkiak.