30-vjetori i shoqatës "Çamëria", Idrizi: Pa Çamërinë, Shqipëria është e mangët

17/01/2021 - 18:29

Kreu i PDIU-së Shpëtim Idrizi, i ftuar në 30-vjetorin e krijimit të Shoqatës Çamëria, deklaroi se e ka për krenari që është çam.

Idrizi theksoi se Shqipëria pa Çamërinë e Kosovën është e mangët, ndërsa shtoi se të gjithë çamët e shqiptarët duhet ta çojnë në vend amanetin e të parëve.

"Unë kam lindur çam dhe do të jem çam. Duke na përcaktuar vetëdijen tonë, të tjerët na përcaktuan se çfarë jemi. Ne kemi një detyrë të veçantë. Ne kemi amanetin për Çamërinë. Ne të gjithë çamët kemi rrënjët e përbashkëta. Ne çamët na vranë dy herë, Fillimisht zervistët dhe më pas enveristët. në vitet e para të demokracisë, u krijua shoqata patriotike “Çamëria”.  

Çamët gjetën në shoqatën patriotike Çamërinë. Ne kemi bërë një rrugëtim të gjatë dhe sfilitës, por të gjithë këtu jemi, sepse na thirri gjaku, na thirri vendlindja. Shumë shqiptarë e kanë Çamërinë, si pjesë të tyre. Çamërinë e gjen kudo, e gjen në Çamëri, e gjen në Shqipëri, Kosovë, Maqedoni e Veriut, në Itali apo në SHBA. Ne të gjithë kemi një hall: T’i japim zgjidhje çështjes së Çamërisë. Ne na gjeni kudo, por ne prapë jemi çuar dhe do të çohemi. Na gjeni kur na vjedhin zgjedhjet, e prapë ne çohemi.

Vdiq Jugosllavia dhe Dardaninë e ke aty. Do vijë dita që do të bashkohet edhe me Shqipërinë. Çam do jemi gjithmonë, do përsërisim gjithmonë “çam jam”. Pa Çamërinë, shqiptarët janë sakat, vetëm me atë ne jemi kokëlart me miqtë dhe me armiqtë. Shqipëria duhet të ketë Çamërinë dhe Kosovën, sikundër çdo njeriu i duhet shpirti e mushkëria për të jetuar. E djeshmja nuk harrohet. Politika na mundëson që të zhvillojmë më tej kauzën e Çamërisë",- tha Idrizi.

Idrizi tha se po nderohen sot ushtarët grekë, por se ata erdhën në Shqipëri si pushtues.

“Sot po nderohen ushtarët grekë, por ata erdhën si pushtues në Shqipëri. UÇK-ja luftoi drejt dhe raportet e Dick Martyt janë një turp. PDIU nuk është e përkohshme. Ju nuk njihni Çamërinë e Pirros, Ali Demit, Mitrush Kutelit, Kolë Idromenit, ju nuk e dini se Kosova dhe Çamëria u sakrifikuan për Shqipërinë politike, që po ju po e kalëroni pa mëshirë. Po ta dini, do skuqeshit nga turpi. Rroftë Shoqata Çamëria, lavdi për burrat e mëdhenj që krijuan shoqatën. Faleminderit Çamëri, që na ke dhënë krenarinë, duke thënë “çam jam””, u shpreh Idrizi.

/portali DurresLajm/

Na bëni like në facebook!: 

Lajme nga e njëjta kategori

Kryeministri Edi Rama ka publikuar në Instagram një foto të tijën pas konferencës që pati me zyrtarët e Bashkimit Evropian në Bruksel.  N

Përfaqësuesi i lartë i BE-së për Politikë të Jashtme dhe Siguri, Josep Borrell deklaroi pas përfundimit të takimit të 11-të, të Këshillit

Sekretari i Përgjithshëm i PD-së, Gazment Bardhi, ka reaguar me anë të një postimi në Facebook pas akuzave nga mazhoranca në lidhje me ko

Deputeti i opozitës parlamentare, Ralf Gjoni tha sot në Kuvend se Shqipëria e ka blerë vaksinën e AstraZenecas me 24 euro doza, ndërsa ve

Nga Brukseli, kreu i grupit parlamentar të PS-së, Taulant Balla thotë se ka lajme të mira në lidhje me integrimin e Shqipërisë në BE.

Kreu i Komisionit Qendror të Zgjedhjeve, Ilirjan Celibashi iu ka bërë thirrje partive politike të dorëzojnë brenda afateve dokumentacioni

Ministrja e Shëndetësisë dhe Mbrojtjes Sociale, Ogerta Manastirliu deklaroi në Kuvend se sot do të mbërrijnë 15,210 doza të vaksinës Pfiz

Ministrja e Marrëdhënieve për Parlamentin, Elisa Spiropali ka reaguar në Kuvend për marrëveshjen e nënshkruar ditën e sotme mes kryetarit

Pas firmosjes së kualicionit me Lëvizjen Socialiste për Integrim, kryedemokrati Lulzim Basha u shpreh se çdo ëndërr do të bëhet realitet

Kryetarja e LSI Monika Kryemadhi dhe kreu i PD Lulzim Basha firmosin marrëveshjen me sloganin "Shqipëria, shtëpia që fiton", ku përcaktoh