Ambasada Amerikane ka uruar Shqipërinë me rastin e Ditës së Çlirimit me disa vargje të Naim Frashërit.

“O atdhe! Më i dashur sa më s’ka

Më je nënë, më je motër, më je vlla.

Nga ç’ka rrotull më i shtrenjti ti më je,

Je më i miri nga çdo gjë që ka ky dhè”, shkruhet në foton e publikuar në Twitter.

Postimi ka vijuar më tej, ku është treguar se nëpërmjet këtyre vargjeve ambasada nderon këtë ditë të veçantë.

Shqipëria kremton sot 76-vjetorin e çlirimit të vendit nga forcat nazifashiste pas Luftës së Dytë Botërore.