Kryeprokurorja e Përgjithshme Arta Marku shfaqet papritur sot në mëngjes në Elbasan. Kryetarja e akuzës shqiptare mbërriti në masa të larta sigurie në hotel turizmin “Skampa” ku zhvilloi një takim pune me një grup të ngushtë prokurorësh të Prokurorisë së Rrethit Gjyqësor në Elbasan.

Ende nuk dihen shkaqet e vizitës. Ndërkohë, sipas “infoelbasani.al”, Marku piu një kafe ngushëllimi për një nga prokurorët që humbi një nga familjarët.

Megjithatë ajo duket se e ka shfrytëzuar ardhjen në Elbasan edhe për punë duke takuar drejtuesin e Prokurorisë së Elbasanit, Ardjan Nezha dhe një rreth të ngushtë prokurorësh.