Balla në Bruksel për negociatat: KE në fund të muajit mars duhet të japë dritën jeshile

28/01/2020 - 13:21

Kreu i grupit parlamentar socialist, Taulant Balla ndodhet në Bruksel ku ka nisur një ditë intensive në Parlamentin Europian.

Përmes një postimi në Facebook, Balla bën me dije se sot ka takuar Raporteren për Shqipërinë, Isabel Santos dhe bashkë-Kryetarin e Komitetit Parlamentar të Stabilizim-Asocijimit BE-Shqipëri Manolis Kefalogiannis.

Ai shkruan se PE nuk tërhiqet nga pozicioni i palëkundur për të filluar bisedimet me Shqipërinë dhe Maqedoninë dhe se në fund të marsit KE duhet të hapë negociatat për dy vendet.

POSTIMI I PLOTË

Filluam sot një ditë intensive në Parlamentin Europian ku takimi i parë ishte me Raporteren për Shqipërinë Isabel Santos. Gjithashtu më pas u takova edhe me bashkë-Kryetarin e Komitetit Parlamentar të Stabilizim-Asocijimit BE-Shqipëri Manolis Kefalogiannis.

Parlamenti Europian nuk tërhiqet nga pozicioni i palëkundur për të filluar menjëherë gjatë presidencës kroate bisedimet me Shqipërinë dhe Maqedoninë e Veriut. Këshilli Europian në fund të muajit Mars duhet të hapë dritën jeshile për të dy vendet.

Për të rikonfirmuar këtë qëndrim të legjislativit europian, Presidenti i Parlamentit David Sassoli ka ftuar sot pasdite në Bruksel drejtuesit kryesorë të parlamenteve të vendeve të Ballkanit Perëndimor sëbashku me drejtues të vetë Parlamentit Europian, në një Takim të Nivelit të Lartë “Ballkani Perëndimor - Një rrugë shkëmbore për zgjerimin”.

Ashtu si edhe në Këshillin Europian në Tetor të vitit të kaluar, shumica e vendeve anëtare mbështesin fillimin e menjëhershëm të bisedimeve për anëtarësim me dy vendet e Ballkanit Perëndimor, Shqipërinë dhe Maqedoninë e Veriut. Komisioni Europian, i cili ka monitoruar nga afër detyrat e shtëpisë për seicilin prej vendeve, ka raportuar në Këshill dhe në Parlamentin Europian se dy vendet kanë bërë hapa kurajozë dhe se e meritojnë të kalojnë në fazën finale drejt anëtarësimit.

Por pozicioni i vendeve anëtare divergjon mbi shpejtësinë dhe axhendën e procesit. Miratimi dhe shpallja më 5 Shkurt i Metodologjisë së re për Zgjerimin, është një mundësi e mirë për të shuar divergjencat mes vendeve anëtare. Edhe pse historia e BE ka dëshmuar se zgjerimi e ka forcuar dhe i ka dhënë energji Bashkimit Europian.

Megjithatë, ruajtja e një perspektive të besueshme në perspektivën e anëtarësimit në të ardhmen është vendimtare për vendet e Ballkanit Perëndimor, sikurse edhe për Bashkimin Europian. Në Rezolutën e miratuar më 24 Tetor nga Parlamenti Europian, eurodeputetët shprehën zhgënjimin e thellë mbi dështimin e një dakordësie mbi hapjen e bisedimeve për anëtarësim me Shqipërinë dhe Maqedoninë e Veriut.

/portali DurresLajm/

Na bëni like në facebook!: 

Lajme nga e njëjta kategori

Këto ditë të fundit të shtatorit do të kalojnë me ankth për shumë nga demokratët e Durrësit.

Mjekë dhe ekspertë të shëndetësisë patën sot një takim me kreun e Partisë Demokratike, Lulzim Basha rreth situatës së COVID-19 në Shqipër

Anëtarësia e Partisë Demokratike nis këtë javë votimin për kandidatët potencialë për deputetë. Votimi është menduar të bëhet çdo ditë në

Kryeminsitri Edi Rama ka thirrur në një takim mjekët ditën e nesërme në orën 9:30, pas paralajmërimit që këta të fundit bënë për protestë

Ish-deputetja e Partisë Demokratike, Jorida Tabaku ka sjellë në vëmendje disa nga shqetësimet që po vuan sot vendi ynë, ndërsa ka sulmuar

Kreu i Partisë Demokratike, Lulzim Basha ka reaguar pas premtimeve të kryeministrit Edi Rama për rritje të pagave për punonjësit e shënde

Ambasadorja amerikane në vendin tonë, Yuri Kim thotë se krijimi dhe vënia në funksionim e Gjykatës Kushtetuese është shumë e rëndësishme

Komisioni për Integrimin Evropian është mbledhur ditën e djeshme për të diskutuar mbi procesin e hapjes së negociatave të Shqipërisë me B

Presidenti Ilir Meta ka apeluar sërish aktorët politike që t'iu qëndrojnë strikt marrëveshjes së 5 qershorit për reformën zgjedhore.

Kreu i Partisë Agrare Ambientaliste, Agron Duka ka akuzuar kryeministrin Edi Rama se po bllokon me vetëdije dhe këmbëngulje të ardhmen eu