Begteshi: Bashkia nuk di të mbledhë të ardhurat

04/06/2012 - 00:00

 

Kryetarja e Këshillit të Qarkut, Eglantina Begteshi, njëkohësisht këshilltare në Këshillin Bashkiak e ka konsideruar administratën e pushtetit lokal të paaftë për të mbledhur të ardhurat. Sipas Begteshit një nga elementët kryesore të çdo buxheti është realizimi i të ardhurave. Begteshi ka akuzuar administratën e Bashkisë se ka bërë një planifikim me rezerva të buxhetit: “Të ardhurat për vitin 2011 janë realizuar në masën 72% kundrejt planit, pa përfshirë këtu transfertën e pakushtëzuar dhe duke përfshirë në të njëjtën kohë të ardhura të trashëguara nga viti 2010, në një vlerë prej 400 milionë lekë. Pavarësisht nga kjo, referenca nga plani arrin në 367 milion lekë më pak. Në këto kushte, diferenca është shumë e madhe dhe nuk mund të anashkalohet dhe të merret si bazë ky fakt për të planifikuar të ardhurat e vitit 2012, siç ka bërë Bashkia e Durrësit“. Begteshi i është referuar disa shembujve konkretë, të cilët sipas saj janë domethënës. Sipas kryetares së Këshillit të Qarkut: “E ardhura nga taksa e përkohshme e plazheve është realizuar në masën 65%, në një kohë që nuk ka patur hapësirë rëre bosh në plazhe. Po kështu duke ju referuar materialit të prezantuar nga Bashkia e Durrësit rezulton se numri i tregtarëve ambulantë është 961, në një kohë që në fakt janë mbi 2000“.

Duke ju referuar taksës vendore të biznesit të madh, Begteshi ka deklaruar se kjo taksë zë 21,1 % të të ardhurave të bashkisë dhe paraqitet në një realizim prej 76% kundrejt planit. “Një nga arsyet e mosrealizimit sipas planit është fakti se sipas ligjit 9632, dt 30/10/2006, kjo taksë paguhet më 20 prill, 20 korrik, 20 tetor dhe 20 janar të vitit të ardhshëm. Duke u nisur nga ky fakt del se të ardhurat e tremujorit të fundit të vitit do të pasqyrohen në vitin 2012. Ky fakt nuk mund të justifikojë mosrealizimin e kësaj të ardhure për arsye se çdo vit do të pasqyrojë tremujorin e IV të vitit të kaluar“. Duke ju referuar rezervave në mosrealizimin e të ardhurave nga ana e administratës së bashkisë, Begteshi ka marrë si shembull taksën e tabelës për qëllime reklamimi: “Taksa e zënies së hapësirës publike duhet planifikuar me kujdes, në mënyrë që të lihen sa më shumë hapësira publike për qytetarët“. Begteshi ka konstatuar gjithashtu se: “Të ardhurat nga institucionet shtetërore rezultojnë me tejkalim, në një kohë që bashkia ka mosrealizim“.

Një vëmendje të veçantë, këshilltarja Begteshi i ka kushtuar taksës së fjetjes në hotele e cila sipas saj: “Edhe pse në plan ka qenë me rezerva 4000 lekë, përsëri realizimi është më i vogël me 3.570 lekë. Nga ana e administratës së bashkisë duhet bërë gjithashtu një punë më e ndershme për evidentimin dhe vjeljen e taksave të të gjitha hoteleve“. Një nga problemet e ngritura nga kryetarja e Këshillit të Qarkut ka qenë edhe niveli i bashkëpunimit mes bashkisë dhe institucioneve të tjera shtetërore, ku është kërkuar një vëmendje më e madhe përsa i përket mjedisit.

 

/portali DurresLajm/

Na bëni like në facebook!: 

Lajme nga e njëjta kategori

Kryedemokrati Lulzim Basha zhvilloi sot një takim me mjekë dhe specialistë të fushës së bashku me departamentin e shëndetësisë në PD, me

Pasditen e kësaj të marte në orën 17:00, Këshilli Bashkiak i Durrësit do të mbajë një mbledhje të jashtëzakonshme po nëpërmjet mjeteve të

Kryeministri i Shqipërisë Edi Rama gjatë fjalës së mbajtur në prezantimin e projektit të Kombinatit, fillimisht foli për rindërtimin që p

Kryeministri Edi Rama ka publikuar sot në Facebook pamje nga projekti i parkut të Shtëpisë së Pavarësisë në Vlorë.

Xhelal Mziu ka hequr dorë nga drejtimi i degës së Partisë Demokratike, pasi ka vendosur që të kandidojë si deputet.

Kryetari i Partisë Demokratike të Shqipërisë, Lulzim Basha nëpërmjet një postimi në Twitter përshëndeti fitoren e zgjedhjeve parlamentare

Në daljen e tij për mediat, Presidenti Ilir Meta  foli ndër të tjera edhe për ngjarjen horror në Kombinat të Tiranës, ku nëna dhe një vaj

Opozita parlamentare me anë të një deklarate të bërë nga deputeti Myslym Murrizi ka kërkuar një takim me kryeministrin Edi Rama për sa i

Presidenti i Republikës Ilir Meta, tha se do të ketë një tjetër mbledhje të Këshillit të Sigurisë Kombëtare nëse është e nevojshme referu

Presidenti i Republikës Ilir Meta me anë të një statusi në “Facebook” shkruan se ka takuar sot deputeten shqiptare në Parlamentin e Kroac