Menjëherë pas daljes për mediat kryeministri Edi Rama ka vijuar me sulmet ndaj kundërshtarve të tij në politikë.
Përmes një postimi në Instagram, kreu i Qeverisë ndan një videomontazh ku shfaqen figurat kryesore të Opozitës së Bashkuar.
Në video kreu i PD-së, Lulzim Basha me mikrofon në dorë teksa këndon himnin kombëtar të vendit para jurisë së “The Voice Kids Albania”, ndërsa Monika Kryemadhi së bashku me ish-kryeministrin Sali Berisha e inkurajojnë. Gjatë videos dëgjohen edhe pjesëtarët e jurisë të cilët shprehen “Çun apo gocë”, “Obobo”, “Më zhgënjeu” etj.
Ndërsa Rama krahas saj fton gjithë shqiptarët të qeshin.
“Komplimenta autorëve. Le të qeshin të gjithë shqiptarët e mirë në mbyllje të kësaj dite”, shkruan Rama.