Deputeti gjerman për Shqipërinë: Edhe qeveria mban përgjegjësi

15/03/2019 - 15:13

Ndërsa qeveria gjermane kritikon qartë opozitën e Shqipërisë për bojkotin e parlamentit, raportuesi për Shqipërinë në Komisionin e Jashtëm Christian Schmidt mendon se edhe qeveria ka përgjegjësi për krizën.

“Kjo nuk është normale. Parlamenti jeton nga debati. I takon qeverisë që të garantojë bashkëpunimin parlamentar”, tha ish-ministri gjerman për DW. Schmidt është që nga fillimi i vitit raportues për Shqipërinë në Komisionin e Jashtëm në Bundestag, njëri nga komisionet që vendos për çeljen e negociatave në BE.

Schmidt tha për DW se së shpejti planifikon të shkojë vetë në Shqipëri për t’u informuar vetë për gjendjen. “Veçanërisht dua të shoh se sa përfshihet opozita në procedurat parlamentare”, theksoi ai.

Vendimi i Gjermanisë për çeljen e negociatave do të varet nga progres-raporti i Komisionit të Bashkimit Evropian që do të publikohet më datën 29 maj. Por për të dhënë miratimin përfundimtar në Këshillin e BE-së, më 19 qershor, Gjermanisë do t’i duhet që të marrë aprovimin e Bundestagut.

Në një takim me deputetë nga komisioni i Bundestagut për Çështje të Bashkimit Evropian, ministri i Jashtëm në detyrë, Gent Cakaj kërkoi mbështetjen e deputetëve gjermanë për negociatat. “Vendimi pozitiv i Këshillit në qershor do t’i japë një hov të ri jo vetëm proceseve të reformave brenda vendit, por do të shërbejë më së miri për të krijuar një sinergji të re bashkëpunimi mes vendeve të Ballkanit Perëndimor, si dhe do të forcojë stabilitetin dhe sigurinë në rajonin tonë”, tha kreu i diplomacisë shqiptare, sipas një deklarate për shtyp të Ministrisë së Punëve të Jashtme.

Schmidt kundër ndryshimit të kufijve 

Ndryshe nga kolegu i tij kristiansocial, Florian Hahn, i cili në një intervistë të mëparshme për DW nuk e hodhi poshtë idenë e ndryshimit të kufirit mes Kosovës dhe Serbisë, ish-ministri agrar i Gjermanisë, Christian Schmidt, tha për DW se ai nuk e favorizon kurrsesi këtë opsion: “Në të gjithë Ballkanin nuk gjen një territor të pastër etnikisht, prandaj nuk e kuptoj këtë idenë e shkëmbimit të territoreve mbi baza etnike,” – tha Schmidt për DW.

Ai shtoi se kjo nuk është një çështje që u përket vetëm dy vendeve, por se duhen pyetur edhe fqinjët. Schmidt paralajmëroi gjithashtu edhe në drejtim të Shqipërisë që të mos e ngatërronte më keq diskutimin duke përdorur retorika dhe simbolika që favorizojnë një vizion shqiptaro-madh. “Nga kjo duhet hequr dorë. Kush hyn në BE, duhet të tregohet i kujdesshëm me këmbime territoresh,” tha Schmidt për DW.

/portali DurresLajm/

Na bëni like në facebook!: 

Lajme nga e njëjta kategori

Pas marrjes në pyetje te Prokuroria e Krimeve të Rënda të kryebashkiakut të Durrësit Vangjush Dako, ka reaguar kryetari i FRPD-së Belind

Nënkryetari i LSI-së Petrit Vasili, me anë të një statusi në “Facebook” shkruan se kryeministri Rama duhet të shkarkohet, pasi qeveria e

Kreu i PD-së, Lulzim Basha ka deklaruar se nuk do të lejojë vendosjen e taksës në rrugën Tiranë-Durrës dhe se me ardhjen në pushtet të kë

OMONIA ka reaguar pas vendimit të Komisionit Qendror të Zgjedhjeve për të mos regjistruar si kandidat të pavarur për Bashkinë e Himarës F

Gjatë vizitës në Westminster të Britanisë së Madhe, kryetari i Partisë Demokratike Lulzim Basha dhe delegacioni që e shoqëron, zhvilluan

Ish-kryetari i grupit parlamentar të Lëvizjes Socialiste për Integrim, Petrit Vasili ka publikuar sot deklaratat e kryeministrit Edi Rama

Deputetja Rudina Hajdari e konsideron veprim të paligjshëm prezencën e komisionerëve të PD-së dhe LSI-së në KZAZ për zgjedhjet vendore.

Kryedemokrati Lulzim Basha, u prit në Parlamentin Britanik nga Kryetari i Komisionit të Sigurisë dhe Inteligjencës, Dominic Grieve.