Emërimet nga kryeqyteti në Durrës, Isaku: Këta nga Tirana mesa duket janë më të zgjuar sesa ne!

30/10/2019 - 11:22

“Këta nga Tirana mesa duket janë më të zgjuar sesa ne!” Me pak doza ironie shprehet nr.2 i Partisë Socialiste të Durrësit, Arben Isaku, lidhur me emërimet më të fundit në bashki dhe institucionet më të rëndësishme në Durrës të të importuarve nga kryeqyteti.

Sekretari organizativ i PS-së së Durrësit shprehet se pavarësisht faktit se në shumë emërime po evitohet krejtësisht mendimi i strukturave drejtuese të degës, kjo nuk e dobëson partinë.

“Partia Socialiste e Durrësit është një forcë e madhe. Pavarësisht disa pakënaqësive, besimi i bazës dhe mbështetësve tanë nuk është dobësuar”,- deklaron Isaku për DurrësLajm.

Drejtimi i shumë institucioneve nga persona që katapultohen nga Tirana në qytetin bregdetar ka nxitur reagimin e bazës socialiste. Të shumtë janë ata që habiten me morinë e drejtuesve nga kryeqyteti që kanë zbarkuar në Durrës dhe zemërimin e tyre e shprehin qoftë në rrjete sociale apo në biseda të përditshme. Si asnjëherë më parë në këto 6 vite që socialistët janë në pushtet, 9 institucione drejtohen nga të importuar nga kryeqyteti. Dhe lista mund të shtohet edhe më shumë në ditët në vijim…

Pas prishjes së koalicionit PS-LSI, nuk ka më ndarje të tortës së pushtetit, siç ndodhi në 4 vitet e para të qeverisë Rama. Por, në 2 vitet e fundit, përqendrimi i të gjithë pushtetit në duart e PS solli në Durrës një mori rilindasish nga kryeqyteti, që në Tiranë punonin specialistë në institucione të ndryshme dhe në Durrës u katapultuan drejtorë. Madje, disa nuk kishin as formimin e duhur profesional për të drejtuar institucione të rëndësisë së veçantë.

Ndërkohë, lidhur me atë që ndodhi në mbledhjen e fundit të Këshillit Bashkiak, ku u duk sikur ka tension në marrëdhëniet mes kryetares dhe këshillit, Isaku, në cilësinë edhe të kreut të grupit të këshilltarëve socialistë, shprehet se raporti mes të dy palëve është mjaft i mirë.

“Ne po bëjmë punën tonë si këshill dhe po respektojmë rigorozisht pjesën e legjislacionit. Debati mes kryetares së bashkisë dhe kreut të Këshillit të Qarkut lindi, pasi Alfred Mullaraj iu referua deklaratës së kryebashkiakes Valbona Sako bërë një mbledhje më parë. Na ishte thënë që fondi do të përdorej për shkolla, kopshte e çerdhe, por në mbledhjen e fundit doli që gjysma e fondit do të shkonte për rikonstruksionin e bashkisë. Për këtë arsye erdhi reagimi i Mullarajt. Por ju siguroj që marrëdhëniet janë shumë të mira mes kryetares dhe këshillit”,- thotë Isaku.

Nga ana tjetër, lidhur me shkarkimin e sekretarit Ardian Tragaj, Isaku pranon se ishte vendim politik shkarkimi i tij, pasi ish-sekretari nuk është pjesë e PS dhe u zgjodh në atë post 4 vite më parë nga marrëveshja me LSI-në. 

M.B.

/portali DurresLajm/

Na bëni like në facebook!: 

Lajme nga e njëjta kategori

Ministrja e Shtetit për Marrëdhëniet me Parlamentin, Elisa Spiropali dhe Presidenca janë përfshirë në replika të ashpra ditën e stome.

Pas reagimit ndaj ministrit Sandër Lleshaj, Presidenca ka reaguar edhe ndaj statusit të socialistit Ulsi Manja.

“Zoti President mos e dëgjo Ilir Metën dhe ti zoti Ilir mos e çmend Presidentin!”

Kreu i PD, Lulzim Basha ka dalë në mbështetje të punonjësve të nënstacionit të pompimit të ujit në Poçem, të cilët janë prej një jave në

Ministri i Brendshëm, Sandër Lleshaj, ka komentuar thirrjen e Presidentit Ilir Meta për mbajtjen e tubimit më 2 mars. Sipas tij, fakti që

Kryeministri Edi Rama ka reaguar pas takimit me ambasadoren e SHBA në Tiranë, Yuri Kim.

Ambasadorja amerikane në Shqipëri Yuri Kim përmes një njoftimi thotë se ka zhvilluar ditën e sotme takime me kryeministrin Edi Rama, pres

Pas postimit në Twitter të ministres së Shtetit për Marrëdhëniet me Parlamentin, Elisa Spiropali, ndaj deklaratave të Metës për grusht sh

Në një kohë kur presidenti i Republikës, Ilir Meta deklaroi sot se më datë 2 mars do të lidhë besë me qytetarët dhe prej aty do të nisin

Gjatë konferencës së jashtëzakonshme, e paralajmëruar më herët, Presidenti Ilir Meta dha prova të reja për atë që e quan “grusht shtetit”