“Forca të errëta kundër Shqipërisë”, Meta flet për çuna problematikë

08/10/2019 - 20:46

Pasditen e kësaj të marte u publikua letra që tetë ministret e qeverisë shqiptare i ishin drejtuar parlamentit holandez për hapjen e negociatave me Bashkimin Europian.

Ne letrën prej katër faqe, ministret e kabinetit “Rama” përmendin të gjitha arritjet në luftën ndaj krimit të organizuar dhe korrupsionit. Po ashtu, ato mes rreshtave theksonin se forcat e errëta janë kundër Shqipërisë.

“Dështimi i përpjekjeve tona për të çelur bisedimet e anëtarësimit është çmimi më i madh për këto forca të errëta. Ne nuk kërkojmë që të ndryshoni pikëpamjet tuaja, thjesht duam që të bashkoheni me kombet e tjera të Europës duke i shtrirë dorën Shqipërisë dhe të na lejoni t’i çojmë këto përpjekje tonat në të një tjetër nivel”, thuhet ndër të tjera në letër.

Pas bërjes publike të letrës së ministreve shqiptare drejtuar parlamentit holandez, ka reaguar ish-deputeti i PD, Gent Strazimiri.  Ai ka ironizuar letrën e tyre, duke thënë se kur ministret përmendin forcat e errëta nuk e kanë për personat që trafikojnë lëndë narkotike apo për eksponentë të PS që kanë probleme me drejtësinë.

“Se mos keqkuptoheni me moskeqkuptime: Kur këto “shoqet” thonë “Forcat e errëta që punojnë kundër Shqipërisë”, nuk e kanë  për “forcat” që vazhdojnë të kandidojnë tutorë prostitutash, vrasës e narko-trafikantë si deputetë dhe kryebashkiakë;  as për “forcat” që kanabizuan dhe kokainizuan vendin, përmes Ministrave të Brendshëm të kapur në flagrancë me narko-trafikantët; as për “forcat” që shqiptarët i kthyen në azil-kërkuesit më të shumtë në Evropë;  as për vetë kolegët e tyre narko-tutore që në vetvete janë forcë… JO! E kanë ekzaktësisht për të njëjtat forca dhe individë, që Ramiz Alia i quante po ashtu “forca të errëta” në 1991!”-shkruan në “Facebook” Strazimiri.

Ndërkohë, një tjetër mendim nga ai i ministreve kishte presidenti Ilir Meta, i cili gjatë një takimi me studentët të ekselencës në Tiranë u shpreh se politika konfliktuale na paraqet si “çuna problematik”, një term i përdorur nga ish-ministri Damian Gjiknuri në përgjimet për blerjen e votave në Dibër në vitin 2016.

“Unë i kam thënë nuk jam në punë, siç ai më kërcënoi mua, unë jam në mision në kuptimin që e di përgjegjësinë që kam që t’i shërbej vendit për të mos shkuar atje ku shtyhet nga forca jo miqësore të jashtme që përdorin forca të brendshme në mënyrë që Shqipëria të jetë një rast i dështuar. Në vend që të ishte shembull, frymëzim për Kosovën, shqiptarët në rajon. Të jesh në mënyrë që demokracia funksionon, ka unitet kombëtar, ndërsa një politikë e tillë konfrontuese e vazhdueshme vetëm se na defaktorizon dhe na paraqet si çuna problematik siç nuk duhet të jemi”, tha Meta.

/portali DurresLajm/

Na bëni like në facebook!: 

Lajme nga e njëjta kategori

Përfaqësuesi i PD në Reformën Zgjedhore, Oerd Bylykbashi deklaroi se opozita ka propozuar futjen e teknologjisë në zgjedhje.

Presidenti Ilir Meta deklaroi këtë të premte se shpreson shumë që Këshilli Politik ta përfundojë me sukses punën për Kodin Zgjedhor.

Presidenti Ilir Meta ka sqaruar pse ka kthyer edhe një herë dy ligjet e Kuvendit.

Ish-deputeti i PD-së, Bardh Spahia ka reaguar pas publikimit të rasteve të reja me koronavirus në vendin tonë.

Kreu i opozitës, Lulzim Basha ka takuar ditën e sotme bizneset në njësinë nr. 8 në Tiranë.

Presidenti Ilir Meta do të dalë në një konferencë shtypi për gazetarët në orën 13:15.

Kur kanë mbetur edhe dy ditë nga përfundimi i afatit të dakordësuar mes palëve për të përfunduar Reformën Zgjedhore, kreu i PD-së, Lulzim

Në mbledhjen e sotme të Këshillit Bashkiak Durrës, njoftohet se janë shtuar dy pika të tjera të rëndësishme në rendin e ditës, dy projekt

Këshilli Politik do të mblidhet sërish sot në orën 11:00.

Kryeministri Edi Rama ka publikuar sot disa foto të jelekëve tradicionalë me ar të zonës së Beratit që ruhen në Muzeun Etnografik të këti