FOTO/ Durrës, përkujtohet 73-vjetori i çlirimit të qytetit

Postuar: 14/11/2017 - 12:34

Bashkia e Durrësit ka organizuar ceremoninë solemne me rastin e 14 nëntorit, ditës së çlirimit të Durrësit nga pushtuesit nazifashistë në 1944. Në këtë ceremoni morën pjesë kryetari i Bashkisë së Durrësit Vangjush Dako, kryetari i këshillit të Qarkut Alfred Mullaraj, kryetari i organizatës së veteranëve të LANÇ-it Durrës Nazim Tafa, veteranë të luftës dhe të afërm të dëshmorëve që dhanë jetën për liri.

Ceremonia është çelur me ekzekutimin e himnit kombëtar dhe më pas e ka marrë fjalën kryetari i Bashkisë së Durrësit Vangjush Dako i cili deklaroi se do të kujtojmë gjithmonë me respekt të gjithë ata që e deshën qytetin aq shumë sa sakrifikuan edhe jetën e tyre për të. Po kështu kryebashkiaku Vangjush Dako u ka dhënë titullin 'Mirënjohje e Qytetit' veteranëve, Njazi Braçja dhe Teki Lumi si dhe titullin 'Mirënjohje e Qytetit' (pas vdekjes) për veteranët Ramazan Vogli dhe Hamdi Xhelilaj.

Ky titull i është akorduar veteranëve me motivacionin "Veteran, pjesëmarrës aktiv në Luftën Antifashiste Nacionalçlirimtare dhe veprimtar aktiv i organizatës së LANÇ-it". Fjalën e rastit në emër të Bashkisë së Durrësit e mbajti drejtori i arsimit, kulturës, rinisë, sporteve dhe komuniteteve fetare Adrian Gurra i cili u shpreh:

“Më lejoni të shpreh mirënjohjen e thellë për kontributin dhe vetëmohimin e të gjithë këtyre heronjve që në emër te lirise nuk kursyen asgjë për të arritur ditën e madhe dhe të lavdishme të 14 nëntorit, ditën e çlirimit të Durrësit nga pushtuesit nazifashistë. Me kalimin e viteve edhe nën thundren e okupimit nazist, qyteti nuk e ndali luftën për çlirim, por përkundrazi e shtoi atë edhe më shumë, duke zgjeruar bazat e luftës dhe shtuar rradhet e luftëtarëve të lirisë. As vrasjet apo masakrimet, burgosjet apo internimet nuk e gjymtuan dot shpirtin liridashës të popullit të këtij qyteti që u kthye në simbol të qëndresës dhe luftës  ndaj nazifashizmit. Sot, pas 73 vjetësh në jemi krenarë të përkujtojmë ditën historike të 14 nëntorit dhe të  shprehim respektin dhe mirënjohjen për banorët e Durrësit që u angazhuan në këtë luftë të rëndësishme të popullit tonë për të sakrifikuar deri dhe jetët e tyre për lirinë e vendit. Te gjithë së bashku  na duhet të punojmë palodhur për të patur një qytet sa më të begatë, me të pastër, më të lulëzuar, me ekonomi më të zhvilluar e me mirëqenie më të lartë sepse vetëm në këtë mënyrë përmbushim jo vetëm amanetin e të rënëve, por dhe aspiratën e qytetarëve tanë.” 

Në këtë ceremoni e kanë marrë fjalën edhe veteranë të luftës të cilën sollën kujtimet e tyre nga lufta antifashiste nacionalçlirimtare dhe nga dita e çlirimit të Durrësit.

/portali DurresLajm/

Video: 
Na bëni like në facebook!: 

Lajme nga e njëjta kategori

   Deputeti i PD, Ervin Salianji ka reaguar në lidhje me aksionin e policisë që solli kapjen e një sasie të madhe eurosh.

   Kryeministri i Shqipërisë Edi Rama ka uruar Presidentin turk Recep Tayyip Erdogan për suksesin në zgjedhjet e parakohshme presidencial

   Kapet në Portin e Durrësit një mjet tip ‘Tojota Jaris’ pa targa, brenda të cilit ishin fshehur  1.5 milionë euro,  prerje 100-she.

Gjatë fjalës së tij në ceremoninë e zhvilluar pas marrjes së çmimit në Barcelonë për sheshin ‘Skëndërbej’ kryeministri Edi Rama është nda

Kryeministri Rama mëngjesin e kësaj të diele e ka nisur duke ndarë kalendarin e aktiviteteve kulturore që do të ofrohen gjatë verës në sh

Ambasadori i SHBA në vendin tonë Donald Lu, e vlerëson ecurinë e procesit të vettingut në vendin tonë.

Në zgjedhjet vendore të vitit 2019 është propozuar zbatimi i një projekti pilot në disa prej bashkive të vendit, në mënyrë që të testohet

Ish-kryeministri Sali Berisha është bërë popullor me postimet e tij të çdo viti gjatë ecjeve që bën te Gjiri i Lalzit.

Kryeministri Edi Rama prezantoi nga Vlora projektet e reja për këtë qytet.

Pak ditë pasi KPK shkarkoi nga detyra prokurorin e Apelit, Gentian Trenova, ka ardhur dhe reagimi i deputetit të PD-së Oerd Bylykbashi.