Gjinushi në krye të ASH, Hajdari: Puç institucional, kapterri që hiqet si gjeneral në pension i shkencës!

25/05/2019 - 17:03

Përgjigjja absurde e kryetarit të ri të Akademisë së Shkencave, ndaj gazetares Enkelejda Mema, ka sjellë reagime të shumta nga politika.

Kryetarja e grupit parlamentar demokrat, Rudina Hajdari e ka dënuar ashpër qëndrimin e Gjinushit, që sipas saj ushtroi dhunë verbale dhe seksist ndaj gazetares. Duke u ndalur te procesi i votimit dhe zgjedhja e tij si kryetar i Akademisë së Shkencave në një garë pa konkurrentë, Hajdari thekson se është kryekëput antiligjor zgjedhja e tij.

Duke e quajtur puç institucional, Hajdari nuk i ka kursyer as akuzat për kryeministrin Edi Rama, sipas së cilës, është ai që e ka dirigjuar këtë dështim edhe në shkencë.

"Kryetari uzurpues i Akademisë se Shkencave i nisi minutat e para të karrierës së tij me dhunimin verbal seksist të një gazetareje të re.

I paligjshëm nga takat e këpucëve deri te flokët ai uzurpoi A.SH. si kryetar partie politike nëpërmjet një truku me K.M, duke i falur atij partinë per zgjedhjet e 30 Qershorit dhe Rama i fali akademinë e paralizuar me anëtarë me statuse joligjore, si çerdhe e shkaterrimit të historisë dhe albanologjisë, per të mos përmendur shkencat inekzistente të sakta.

Sikurse nuk ka bërë kurrë zgjedhje brenda partisë së tij shekullore pseudo-socialdemokrate, ashtu uzurpoi A.SH, me puç institucional prej një kapterri që hiqet si gjeneral në pension i shkencës. Prej tridhjet vjetësh asnjë libër, artikull shkencor, apo botim serioz, asnjë arritje në matematiken e aplikuar.

Dështim në shkencë, dështim në politikë si një rast partikular në të cilin “gjenerali i ekuacioneve” dëshironte të aplikonte matematikën në politikë, ku prej tre dekadash nuk mori kurrë më shumë se një mikrobus me votues. Duke mbetur profan në faktin se asnjëherë nuk mësoi se ku pritet shkenca me politikën ai preu kokat të gjithë miqve të tij në parti që ikën nga sytë këmbët.

Vjen në akademinë e shkencave dhe qysh në fjalimin e parë poshtëron asamblenë duke e quajtur konsultative. Mbledh nëntedhjetevjeçarë që dramën e jetës së tyre kane pasur faktin që i kanë bëre hosana vrasësit të babait te tyre, një pjesë me ishemira, një pjese të korruptuar me pagesa të paligjshme, me mbeshtetje nga akademikë ish-spiunë të sigurimit, sekretarucë diktatorësh, të dyshuar nga kolegët për plagjiatura, të tjerë që nuk dihet ku punojnë nëpër botë etj. Më vjen keq për një pjesë të akademikëve të vërtetë që nuk patën forcën dhe moralin e duhur t’i kundërvihen uzurpuesit anakronik.

Bëri reformën farse, për të sunduar mbi një institucion, ku veç truri nuk ka më efikasitet, pa marrë në konsideratë që në perëndim gjënden me dhjetëra shkencëtarë të rinj shqiptarë të vlerësuar maksimalisht nga shkenca botërore moderne.

Padyshim që Kuvendit do t’i paraqes që t'i presë sa më parë buxhetet kësaj karakatine, mbi samarin e të cilës ka hypur “gjenerali” në pension. Përndryshe, do të ndodhi ajo që nuk ka ndodhur në qindra vjet akademi, ku politikani i paudhë do të drejtojë shkencën dhe të paligjshmit dhe të paditurit, do të drejtojnë institucionin", shkruan Hajdari.

/portali DurresLajm/

Na bëni like në facebook!: 

Lajme nga e njëjta kategori

Presidenti Ilir Meta zhvilloi mbëmjen e sotme një takim në Prefekturën e Durrësit ku u njoh nga afër me të dhënat paraprake lidhur me dëm

Presidenti i Republikës, Ilir Meta është nisur drejt qytetit të Durrësit, ku ishte epiqendra e termetit.

Ish-ministri për Evropën dhe Punët e Jashtme, Ditmir Bushati ka komentuar vizitën e pesë viteve më parë të Papa Franceskut në Tiranë, për

Në një deklaratë për mediat, ish-deputeti i Partisë Demokratike, Enkelejd Alibeaj u ndal te dënimi me shërbim prove për ish-ministrin Sai

"Nëse arrestohet qytetari, për barazi para ligjit nuk ka përse jo zyrtari. Le të jemi të barabartë në padrejtësi të paktën".

Institucioni i Presidencës ka publikuar sot listën e shpenzimet që Kreu i Shtetit, Ilir Meta ka kryer për tri vite për udhëtimet jashtë v

I pyetur nga gazetarët në lidhje me veprimin e djeshëm të bërë nga Fatmir Xhafaj, ish-pasardhësi i tij, ku kishte dhënë pëlqim reagimeve

Dy ditë pas vendimit të Gjykatës së Krimeve të Rënda, ish-ministri i Brendshëm Saimir Tahiri ka dalë në një konferencë për mediat që të f

Kryeministri Edi Rama ka ndarë me ndjekësit në Facebook, fotot nga nisja e punës për rrugën turistike të Thethit.

Partia Demokratike ka sulmuar ashpër kryetarin e Bashkisë së Tiranës, Erion Veliaj për mungesën e ujit të pijshëm në shumë zona të kryeqy