“Grupi i rrezikshëm KÇK”, Ibrahimi i përgjigjet Ramës: Akuzë politike!

18/10/2019 - 11:55

Kreu i Këshillit të Lartë të Prokurorisë, Gent Ibrahimi, folu sot për ngritjen e SPAK, teksa ishte i pranishëm në Komisionin e Ligjeve. Ibrahimi tha se deri më tani janë përzgjedhur 15 kandidatë për SPAK, 8 prej të cilëve e kanë kaluar Vettingun, pasi është kusht për t’u bërë pjesë e kësaj strukture, që do të luftojë krimin dhe korrupsionin në nivele të larta.

“Sot kemi identifikuar dhe përzgjedhur 15 kandidatë, për të qenë pjesë të Prokurorisë së Posaçme, por këta prokurorë duhet të marrin edhe vulën e Vettingut. Në momentin që i emërojmë SPAK fillon punën. Deri më tani, 8 prej tyre e kanë kaluar Vettingun. Është kusht, që pa kaluar Vettingun, prokurorët nuk mund të bëhen pjesë e SPAK. Gara për t’u bërë pjesë e SPAK është hapur që në janar të vitit 2019, por buxheti ynë është aktivizuar në qershor të këtij viti”, tha Ibrahimi.

Më tej, kreu i KLP tha se nuk po bëhet vetëm Vettingu i gjyqtarëve dhe prokurorëve, por paralelisht është duke u bërë edhe një miniVetting për shumë zyrtarë të tjerë.

“Një miniVetting po zhvillohet nga KLP, KLD, për shumë zyrtarë të tjerë. Në rastin tonë, ata që përfundojnë shkollën e magjistraturës i nënshtrohen Vettingut, para se të nisin karrierën e tyre si prokuror, por edhe çdo kandidat për pozicion karriere kalon në Vetting”, u shpreh kreu i KLP-së.

Ndërkohë, Gent Ibrahimi u ndal edhe tek akuzat që kryeministri Edi Rama ka bërë nga Parlamenti, i cili tha se në sistemin e drejtësisë është ngritur “grupimi më i rrezikshëm kriminal i quajtur KÇK, (Kap Ç’të Kapësh). Ibrahimi tha se kjo është një akuzë politike dhe si të tillë e ka trajtuar dhe institucioni që ai drejton.

Kryeministri Edi Rama bëri një akuzë të përgjithshme dhe politike, si të tillë e kemi trajtuar edhe ne. Nuk është se po bëjmë një hetim të thelluar, por po e shohim në përgjithësi. Nuk mjafton për të bërë gjyq”, deklaroi ai.

/portali DurresLajm/

Na bëni like në facebook!: 

Lajme nga e njëjta kategori

Pas kërkesës së opozitë parlamentare për t’u takuar me kryeministrin Edi Rama në lidhje me çështjen e votave për reformën zgjedhore, ky i

Presidenti Ilir Meta zhvilloi sot një takim pune me kërkesë të tij me Ministren e Shëndetësisë dhe Mbrojtjes Sociale, Ogerta Manastirliu,

Kryedemokrati Lulzim Basha zhvilloi sot një takim me mjekë dhe specialistë të fushës së bashku me departamentin e shëndetësisë në PD, me

Pasditen e kësaj të marte në orën 17:00, Këshilli Bashkiak i Durrësit do të mbajë një mbledhje të jashtëzakonshme po nëpërmjet mjeteve të

Kryeministri i Shqipërisë Edi Rama gjatë fjalës së mbajtur në prezantimin e projektit të Kombinatit, fillimisht foli për rindërtimin që p

Kryeministri Edi Rama ka publikuar sot në Facebook pamje nga projekti i parkut të Shtëpisë së Pavarësisë në Vlorë.

Xhelal Mziu ka hequr dorë nga drejtimi i degës së Partisë Demokratike, pasi ka vendosur që të kandidojë si deputet.

Kryetari i Partisë Demokratike të Shqipërisë, Lulzim Basha nëpërmjet një postimi në Twitter përshëndeti fitoren e zgjedhjeve parlamentare

Në daljen e tij për mediat, Presidenti Ilir Meta  foli ndër të tjera edhe për ngjarjen horror në Kombinat të Tiranës, ku nëna dhe një vaj

Opozita parlamentare me anë të një deklarate të bërë nga deputeti Myslym Murrizi ka kërkuar një takim me kryeministrin Edi Rama për sa i