Hajdari takon ambasadoren gjermane: Sjellja e politikës shqiptare, modeli më i keq i mundshëm

14/03/2019 - 16:12

Deputetja "rebele" e Partisë Demokratike Rudina Hajdari ka takuar ambasadoren gjermane në Tiranë, Sussane Shütz.

Në një postim në Facebook, Hajdari bën të ditur se ka diskutuar me ambasadoren Shütz për situatën e vështirë dhe shumë delikate në të cilën ndodhet vendi dhe institucionet Shqiptare, sipas saj.

POSTIMI I PLOTË

Takim me Ambasadoren e Gjermanisë në Tiranë, Znj. Sussane SHÜTZ.

Diskutuam për situatën e vështirë dhe shumë delikate në të cilën ndodhet vendi dhe institucionet Shqiptare aktualisht.

Miqtë tanë Evropianë dhe Gjermanë janë tepër të shqetësuar për krizën politiko-institucionale në vend ashtu sikurse është i shqetësuar çdo qytetar Shqiptar. 

BE kërkon me të drejtë përgjegjshmëri të lartë dhe integritet nga politikanët Shqiptare, nga qeveria dhe opozita.

Është e papranushme që politika në tërësi të vazhdojë me modelin e vjetër që nuk përfaqëson aspak qytetarët Shqiptarë, aspiratat, qëllimet dhe vlerat e tyre. Dorëzimi në bllok i mandateve nga ana e opozitës nuk është zgjidhje ashtu siç nuk është aspak zgjidhje arroganca qeveritare. 
Sjellja e politikës Shqiptare sot është modeli më i keq i mundshëm që po i ofrojmë qytetarëve Shqiptarë dhe sidomos të rinjëve.

Nuk mund të rrimë duar-kryq dhe të presim që ky ngërrç i paprecedent politiko-institucional të zgjidhet vetë. Situata mund të agravojë kur aktorët nuk vlerësojnë siç duhet rrethanat. Të gjithë aktorët kanë detyrimin që të reagojnë sa më parë për të orientuar një zgjidhje politike të gjithëpranueshme për krizën e paprecedentë në cilën gjendet sot Shqipëria, për një zgjidhje që siguron në radhë të parë interesin qytetar dhe kombëtar, pa ceduar demokracinë me qëllim që të ndikojmë pozitivisht të ardhmen e Shqipërisë dhe anëtarsimin e saj në BE.

/portali DurresLajm/

Na bëni like në facebook!: 

Lajme nga e njëjta kategori

Nënkryetari i LSI-së Petrit Vasili, me anë të një statusi në “Facebook” shkruan se kryeministri Rama duhet të shkarkohet, pasi qeveria e

Kreu i PD-së, Lulzim Basha ka deklaruar se nuk do të lejojë vendosjen e taksës në rrugën Tiranë-Durrës dhe se me ardhjen në pushtet të kë

OMONIA ka reaguar pas vendimit të Komisionit Qendror të Zgjedhjeve për të mos regjistruar si kandidat të pavarur për Bashkinë e Himarës F

Gjatë vizitës në Westminster të Britanisë së Madhe, kryetari i Partisë Demokratike Lulzim Basha dhe delegacioni që e shoqëron, zhvilluan

Ish-kryetari i grupit parlamentar të Lëvizjes Socialiste për Integrim, Petrit Vasili ka publikuar sot deklaratat e kryeministrit Edi Rama

Deputetja Rudina Hajdari e konsideron veprim të paligjshëm prezencën e komisionerëve të PD-së dhe LSI-së në KZAZ për zgjedhjet vendore.

Kryedemokrati Lulzim Basha, u prit në Parlamentin Britanik nga Kryetari i Komisionit të Sigurisë dhe Inteligjencës, Dominic Grieve.

Partia Demokratike ka paditur për shpërdorim detyre Sekretarin e Përgjithshëm të Kuvendit dhe akuzuar kryeministrin Rama, se po shkel lig