Ish-kryeministri Berisha ka reaguar pas zbardhjes së përgjimit mes të arrestuarëve për drogë në Itali, Moisi Habilajt dhe dy trafikantë të tjerë, pohoi se në qendrën e kontrollit të radarëve kishte miq.
Nëpërmjet një postimi në facebook, Berisha shkruan se ndrikulla Kodheli me urdhër të Noriegës (Rama) ua kishte besuar narkobandave, qendrën e radarëve.
Mes të tjerash Berisha thekson se e vetmja zgjidhje është rrëzimi i kryeministrit Rama.
STATUSI I PLOTË
Qytetare, ky eshte narko-shteti!
Ne narko-shtetin e Norieges, sipas pergjimeve te partnereve italiane, per kontrollin e radareve te detit, me urdher te Norieges, ndrikull Kodheli ua kishte besuar narkobandave duke emeruar njerez te tyre ne qendren e radareve.
Vetem rrezimi i Norieges do te shpetoje shqiptaret nga narkoshteti i tij! Lexoni shkrimin e meposhtem. sb
“Zbardhen të tjera përgjime, Habilaj: Kam njeriun tim tek salla e radarëve në Durrës
10:31, 18/10/2017
Zbardhen të tjera detaje nga dosja e trafikantit të drogës, Moisi Habilaj i arrestuar në Itali tre ditë më parë. Nga përgjimet e realizuara nga policia italiane, rezulton se Habilaj kontrollonte radarët e ushtrisë në Durrës.
Këtë ai e kryente përmes një personi të tij të angazhuar pranë shërbimit të radarëve, i cili i jepte direktiva.
Gjithashtu, në një moment tjetër, Habilaj i tregon trafikantëve italianë se ai ka në dorë edhe punonjësit e policisë. "Kam njeriun tim në sallën e radarëve", i drejtohet Habilaj trafikantëve të tjera. "I patë policët? Janë tanët", vijon një tjetër përgjim i Habilajt.
Në dosjen italiane shpjegohet edhe mënyra si u ngarkua droga nga Porto Palermo.”
