Katër Dëgjesat Publike që organizoi Bashkia e Durrësit në Manzë

19/11/2019 - 14:35

Në kuadër të nismës së Bashkisë Durrës, për realizimin e Dëgjesave Publike për PBA 2020-2022, ditën e hënë më 18 nëntor, u organizuan katër Dëgjesa Publike në Kompleksin “REOM” në Njësinë Administrative Manëz.  

Një nga Dëgjesat Publike ishte për Paketën Fiskale që Bashkia ka parashikuar të zbatojë për periudhën 2020-2022. Ndërsa, dy Dëgjesat e tjera kishin si qëllim prezantimin e investimeve, projekteve dhe shërbimeve kryesore që Bashkia ka parashikuar të zbatojë për periudhën 2020-2022 për Programin “Infrastruktura rrugore” dhe Programin “Investimet në Arsim për sistemin parashkollor, Arsimin 9-vjeçar si dhe atë të Mesëm” dhe një Dëgjesë ishte për projektet dhe shërbimet Sociale që janë planifikuar të zbatohen për periudhën 2020-2022 për komunitetin e Njësive Administrative Manëz, Sukth dhe Ishëm duke mirëpritur çdo propozim, sugjerim apo rekomandim nga ana e tyre.

Dëgjesat Publike u organizuan nga Sektori i Analizës së Statistikave dhe Planifikimit Afatmesëm në Drejtorinë e Politikave te Zhvillimit në bashkëpunim me Drejtorinë e Përgjithshme të Shërbimeve dhe Punëve Publike, Drejtorinë e Shërbimebve Sociale, Drejtorinë e Taksave dhe Tarifave Vendore si dhe me Drejtorinë e Arsim-Kulturë, Rini, Sporte dhe Komunitete Fetare. Në këto takime kishte një pjesëmarrje të gjërë, ku ishin të pranishëm përfaqësues nga komuniteti i Njësive Administrative Manëz, Sukth dhe Ishëm, përfaqësues të grupeve të interesit, Institucioneve Arsimore, OJF që operojnë në këto Njësi Administrative, grupet këshillimore dhe Komisionet e Këshillit Bashkiak.

Gjatë Dëgjesës Publike, në pjesën e parë, pjesëmarrësit janë informuar nga Luan Dajko, Drejtor i Taksave dhe Tarifave Vendore, mbi strukturën e Paketës Fiskale për periudhën 2020 – 2022 dhe rëndësinë e pagesës së taksave dhe tarifave vendore në funksion të ofrimit të shërbimeve më të mira në të gjithë territorin e Bashkisë Durrës.

Në Dëgjesën e dytë, pjesëmarrësit janë njohur nga Emiriana Sako, Drejtore e Përgjithëshme e Shërbimeve Publike, lidhur me projektet dhe investimet kryesore në infrastrukturën rrugore për vitet 2020-2022 në përputhje me Programin “Infrastruktura rrugore” për Njësitë Administrative: Manëz, Ishëm dhe Sukth.

Ndërsa, në Dëgjesën e tretë, Adrian Gurra, Drejtor në Drejtorinë e Arsim-Kulturë-Rini-Sporte dhe Komunitete Fetare, bëri prezantimin e investimeve, projekteve dhe shërbimeve kryesore që Bashkia ka parashikuar të zbatojë për Programin “Arsimi parashkollor dhe parauniversitar”, për periudhën 2020-2022 në këto Njësi Administrative.

Së fundmi, pjesmarrësit u njohën me projektet dhe shërbimet sociale që Bashkia e Durrësit do të zbatojë në periudhën 2020-2022, të cilat u prezantuan nga Drejtorja e Drejtorisë së Sherbimit Social, Meme Xhaferraj.

Gjatë Dëgjesave Publike pati diskutime dhe propozime nga grupet e interesit, të cilat u evidentuan për t'u pasur parasysh në përcaktimin e prioriteteve në PBA 2020-2022. ​

/portali DurresLajm/

Na bëni like në facebook!: 

Lajme nga e njëjta kategori

Ministri në detyrë për Evropën dhe Punët e Jashtme, Gent Cakaj zhvilloi një takim me Ministren e Jashtme të Suedisë, Ann Linde, në kuadër

Pas deklaratës së kryedemokratit Lulzim Basha se kreu i qeverisë i ka ofruar atij një marrëveshje që të bëhej kryeministër ndërsa vetë ai

Gjatë një konference për shtyp nga selia blu, kryedemokrati Lulzim Basha deklaroi publikisht ofertën që kryeministri Edi Rama i ka bërë p

Në një dalje për mediat pasi PS deklaroi gatishmërinë për hapjen e listave, kryedemokrati Lulzim Basha e konsideroi të prishur marrëveshj

Komisioneri për Zgjerimin, Oliver Varheley i beri thirrje sot maxhorancës që të votojë sa më parë marrëveshjen e dakordësuar të 5 qershor

Në një dalje për mediat, kryeministri Edi Rama konfirmoi se maxhoranca do të mbështesë nismën e deputetëve të opozitës së re, Myslim Murr

Kreu i Grupit Parlamentar të Partisë Socialiste, Taulant Balla, tha se mazhoranca mbështet ndryshimet e propozuara nga opozita parlamenta

Kryetarja e LSI, Monika Kryemadhi dhe kryedemokrati Lulzim Basha kanë zhvilluar një takim online me raporteren për Shqipërinë në BE, Isab

Ministrja e Mbrojtjes, Olta Xhaçka dhe ambasadorja amerikane në vendin tonë, Yuri Kim kanë zhvilluar një vizitë në Bazën Detare të Pashal

Partia Agrare Ambientaliste bën thirrje publike që të eleminohet çdo vonesë apo deformim për miratimin e Reformës Zgjedore.