Portali "DurrësLajm" kërkon të punësojë një gazetar/e për web, të interesuarit të dërgojnë CV-në në adresën e email: [email protected]

Kjo është mjekja e re që synon një mandat deputeti në Durrës me Nismën#Thurje

07/03/2021 - 13:49

Gjatë prezantimit të kandidatëve të Nismës#Thurje për zgjedhjet e 25 prillit, drejtuesi i saj Endri Shabani prezantoi ndër të tjera edhe mjeken nga Durrësi, Egriselda Allushi, e cila së bashku me Shabanin do të kërkojnë votën e qytetarëve.

“Mjekja e re fle 3-4 orë, ndoshta edhe më pak sepse është gjithë kohën duke i shërbyer njerëzve që janë të sëmurë.

Por Egriselda ka gjetur kohë të angazhohet edhe politikisht, sepse gjykon që politika nuk është thjesht një kapriço, politika në Shqipëri është për jetë a vdekje.  Egriselda vjen nga Durrësi, ku për shkak të korrupsionit politik, njerëzit vdiqën nën rrënoja.

Për shkak të korrupsionit politik dhe paaftësisë politike, mijëra njerëz kanë vdekur nga pandemia”,- tha Shabani para se t’i jepte fjalën mjekes së re.

Egriselda Allushi, e cila e prezantoi veten vetëm si mjeke e re, por pa specifikuar degën e mjekësisë që ka përfunduar, tha gjatë fjalës së saj se ajo është një ndër ata të rinj që zgjodhi të shkollohej në Shqipëri dhe ta ushtrojë po këtu profesionin e saj.

"Jam nga ata të rinj që kam zgjedhur të jetoj në vendin tim, të studioj në universitetin e Tiranës.

Unë nuk do të iki nga ky vend, unë do të kontribuoj këtu, në qytetin tim. Unë do të plakem në Durrës. Edhe nëse një ditëdo të  vi për vendimmarrje në Tiranë, prapë do të kthehem në Durrës, sepse aty e kam shpirtin, familjen time, themelin tim.

Sistemi shndetësor sot në Durrës është për të ardhur keq. Si mjeke e re unë mundohem të jap çdo ditë nga vetja, në atë spital, në atë sistem.

Vendosa të kandidoj sepse nuk dua që bashkëmoshatarët e mi të ikin jashtë shtetit dhe të punojnë jashtë.",- tha ndër të tjera mjekja Allushi në fjalën e saj.

Fillimisht, drejtuesi i Nismës#Thurje, Endri Shabani prezantoi javë më parë mjekun urolog Artan Koni si kandidat në Durrës, por nuk dihet çfarë u bë shkak që Koni të largohej nga lista.

Shabani vendosi ta kryesojë vetë listën e kandidatëve në qarkun e Durrësit, ndërsa në vend të dytë ka pozicionuar Allushin.

/portali DurresLajm/

Na bëni like në facebook!: 

Lajme nga e njëjta kategori

Partia Demokratike ka dorëzuar sot në KQZ dosjen ankimore për shkeljet e pretenduara në 9 qarqe të vendit në zgjedhjet e 25 prillit, me p

Pak ditë pasi kërkoi shpalljen e pavlefshme të zgjedhjeve në Gjirokastër, LSI ka ankimuar ditën e sotme në KAS rezultatin e zgjedhjeve në

Partia Demokratike vijon të denoncojë shit-blerjen e votave në zgjedhjet e 25 prillit.

Partia Demokratike vijon të denoncojë parregullsitë në zgjedhjet e 25 prillit.

Presidenti Ilir Meta iu drejtua me një mesazh të fortë shqiptarëve dhe politikës në Ditën e Europës.

Kryeministri Edi Rama ka uruar ditën e Evropës nëpërmjet një video në rrjetet sociale.

Kryeministri Rama dhe Presidenti Ilir Meta kanë uruar përmes postimive në rrjetet sociale të gjithë besimtarët myslimanë për Natën e Kadr

Kryetari i Partisë Demokratike, Lulzim Basha dhe bashkëshortja e tij, Aurela festojnë sot përvjetorin e tyre të martesës.

Ish-deputeti demokrat, Hailm Kosova, kritikoi ashpër grupin kundër kreut të Partisë Demokratike, Lulzim Basha, të krijuar pas zgjedhjeve

Deputetja demokrate e dalë nga zgjedhjet e 25 prillit, Grida Duma e ftuar në emisionin "Kjo Javë", në News 24 foli mbi grupin me figura t