Kryemadhi paralajmëron Ramën: Nuk është larg dita kur do të duhet të zgjedhësh mes kokës tënde dhe ...

19/06/2019 - 16:47

Kryetarja e Lëvizjes Socialiste për Integrim, Monika Kryemadhi ka reaguar në lidhje me shoqërimin në komisariatin e Burrelit të ish-deputetes demokrate, Dhurata Çupi dhe kryetares së FRPD, Denisa Vata pas përplasjeve në KZAZ.

Përmes një postimi në Facebook, Kryemadhi i thotë Ramës mos guxojë të prekë gra dhe zonja politikane, që sipas saj, janë në të drejtën e ligjit dhe të qytetarëve.

Ajo paralajmëron se skenarët më të frikshëm nuk janë shkruar akoma për Edi Ramën, duke shtuar se fundin e tij, jo vetëm atë politik, do ta shkruajnë shqiptarët që i godet e dhunon.

POSTIMI I PLOTË

Edi Rama mbaji larg duart dhe veglat e tua qorre nga qytetarët që mbrojnë të drejtën e tyre. Mos guxo të prekësh gra dhe zonja politikane që janë në të drejtën e ligjit dhe të qytetarëve.

Mos mendo se me dhunën policore dhe prokurorinë e shit-blerë mund të burgosësh të vërtetën. Ajo është sot me popullin dhe qytetarët! As në ëndrrat më të largëta nuk e ke menduar se si mund të jetë fundi jo vetëm politik i një kryeministri bandit, skenarët më të frikshëm nuk janë shkruar ende për ty, sepse fundin tënd, dhe po ta përsëris, jo vetëm fundin politik, do të ta shkruajnë shqiptarët që ti po i godet, dhunon, përbuz, arreston dhe keqtrajton pa asnjë shkak.

Ata që protestojnë kundër teje nuk janë as të fallxhores dhe as të Lulit. Janë njerëz që kërkojnë të drejtën e tyre të mohuar. Por ti nuk e njeh ndjesinë e mirësisë, sepse gjatë gjithë jetës tënde ose e ke blerë, ose e ke marrë me dhunë dashurinë dhe mirësinë.

Ata qytetarë që shprehin revoltën e tyre nuk janë drejtuesit që flasin në telefon me kriminelë të qeverisë tënde. Janë njerëz të ndershëm që përplasen për të drejtën e mohuar, për të vënë në vend atë drejtësi që ti e ke blerë me paratë e drogës ose me kërcënimet për Vetting-un. Ti që ke merakun e reformës dhe të frikës së opozitës për të, je sot më i rrezikuari nga zemërimi i popullit.

Dhe mbaje mend nga fallxhorja (jo nga ajo që vjen të sheh horoskopin në zyrë e që e paguajnë të të gënjejë), nuk e ke të largët ditën kur do të të duhet të zgjedhësh mes parave që ke vjedhur këto 21 vjet dhe kokës tënde. Po për këtë, për fat të keq nuk ka fallxhore të të ndihmojë, është një vendim që do ta marrësh vetë dhe shpejt!

/portali DurresLajm/

Na bëni like në facebook!: 

Lajme nga e njëjta kategori

Ish-deputeti demokrat, Ervin Salianji, reagon pas vendimit të SPAK për të sekuestruar pasuritë e pronarit të RTV ORA NEWS, Ylli Ndroqi.

Partia Demokatike ka reaguar pas sekuestrimit të pasurive të biznesmenit Ylli Ndroqi.

Ish-deputeti demokrat Luan Baci ka denoncuar në Facebook përhapjen e flakëve në pyllin e Semanit dhe papërgjegjërinë e zyrtarëve për të s

Presidenti i Republikës, Ilir Meta, ka dekretuar me shpallje 3 ligje, atë për taksat vendore si dhe dy marrëveshje, njëra me Zvicrën për

Ministrja e Infrastrukturës, Belinda Balluku ka qenë e pranishme në punimet që janë duke u bërë për rikonstruktimin e Byppasit të Vlorës.

Presidenti Ilir Meta ka reaguar pas situatës së krijuar në vend nga zjarret.

Kryesia e Partisë Demokratike ka emëruar sot 5 anëtarët e Komisionit të Vlerësimit të Kandidatëve, përgjegjës për shqyrtimin e kandidatur

Presidenti i Republikës Ilir Meta ka uruar Teutën për fitoren e Kupës së Shqipërisë.

Presidenti Ilir Meta ka kujtuar një nga ikonat e futbollit shqiptar, mesfushorin Lefter Millo, i cili do të festonte sot 54-vjetorin.

Presidenti Ilir Meta ka kujtuar dëshmorin e atdheut Arben Zylyftari përmes një postimi në Facebook.