Kuvendi rrëzon 8 dekretet e Metës, mes tyre edhe koncensionet e rrugëve

12/09/2019 - 15:15

Me shumicë votash Kuvendi ka rrëzuar sot në seancë plenare 8 dekretet e Presidentit të Republikës që i kthen ligjet për rishqyrtim. Në nisje të procesit të votimit kryeparlamentari Ruçi sqaroi se dekreti për rishqyrtim e humbet fuqinë kur kundër tij votojnë shumica e anëtarëve të kuvendit.

Me 19 vota pro 78 kundër dhe 4 abstenim, maxhoranca rrëzoi dekretin e presidentit “Për rezerva materiale të shtetit”. Gjithashtu kundër dekretit për rishqyrtim të ligjit “Për privatizimin dhe dhënien në përdorim shoqërive tregtare dhe institucioneve shtetërore të ndërmarrjeve apo objekteve të veçanta, mjeteve kryesore dhe mjeteve të xhiros së këtyre ndërmarrjeve” votuan 76 deputetë.

Me 22 vota pro, 76 kundër dhe 3 abstenim Kuvendi rrëzoi gjithashtu dekretin për 2015 “Për vetëqeverisjen vendore”. Një tjetër dekret i Presidentit i shfuqizuar me shumicë votash në seancë plenare ishte edhe ai për planifikimin dhe zhvillimin e territorit”, të ndryshuar” për të cilin votuan pro 23 deputetë, 76 kundër dhe 3 abstenuan. Me 22 pro, 76 kundër dhe 4 abstenim Kuvendi rrëzoi edhe dekrein për “Për koncesionet dhe partneritetin publik privat”, të ndryshuar ”.

74 deputetë u shprehën kundër dekretit “Për kthimin e ligjit nr. 51/2019 “Për miratimin e kontratës së koncesionit/PPP ndërmjet Ministrisë së Infrastrukturës dhe Energjisë, si autoriteti kontraktor, dhe “Gjikuria”, sh.p.k., si koncesionari, dhe shoqërisë koncesionare “Rruga Orikum – Llogara”, sh.p.k., për projektimin, ndërtimin dhe mirëmbajtjen e rrugës “Porti i jahteve – By-Pass Orikum – Dukat (ura e Shën Elizës)”.

Pavarësisht paralajmërimeve të kryedemokratit Basha, Kuvendi rrëzoi gjithashtu edhe dekretin “Për kthimin e ligjit nr. 51/2019 “Për miratimin e kontratës së koncesionit/PPP ndërmjet Ministrisë së Infrastrukturës dhe Energjisë, si autoriteti kontraktor, dhe “Gjikuria”, sh.p.k., si koncesionari, dhe shoqërisë koncesionare “Rruga Orikum – Llogara”, sh.p.k., për projektimin, ndërtimin dhe mirëmbajtjen e rrugës “Porti i jahteve – By-Pass Orikum – Dukat (ura e Shën Elizës)”, për të cilin votuan 22 deputet pro 74 kunder 4 abstenim.

Sakaq dekreti i Presidentit të Republikës nr. 11255, datë 08.08.2019, “Për kthimin e ligjit nr. 52/2019 “Për miratimin e kontratës së koncesionit/PPP ndërmjet Ministrisë së Infrastrukturës dhe Energjisë, si autoriteti kontraktor, shoqërisë “ANK”, sh.p.k., si koncesionari, dhe shoqërisë “Bardh konstruksion”, sh.p.k., si shoqëria koncesionare, për projektimin, ndërtimin dhe mirëmbajtjen e segmentit rrugor Milot – Balldren”” u rrëzua me 77 vota në kuvend, 15 deputetë votuan pro ndërsa 11 abstenuan.

Gjithashtu Kuvendi rrëzoi edhe kandidaturën e Petraq Milos, për postin e kryetarit të Kontrollit të Lartë të Shtetit, i dekretuar nga Presidenti Meta.

/portali DurresLajm/

Na bëni like në facebook!: 

Lajme nga e njëjta kategori

Kreu i Forumit Rinor të Partisë Demokratike, Belind Këlliçi ka akuzaur Bashkinë e Tiranës se po vjedh qytetarët përmes tenderit për ngroh

Kreu demokrat Lulzim Basha thotë se Rama nuk ka asnjë plan për të ndihmuar qytetarët dhe ekonominë në këtë situatë të rëndë pandemie.

Nënkryetari i LSI-së, Petrit Vasili përmes një statusi në Facebook i kërkon qeverisë Rama të largohet pasi sipas tij, ka dështuar me mena

Ministria për Europën dhe Punët e Jashtme ka reaguar për situatën e krijuar në pikën e kalimit kufitar me Greqinë, në Kakavijë.

Ministri i Brendshëm, Sandër Lleshaj ka reaguar në lidhje me situatën në pikat kufitare me Greqinë ku radha në territorin shqiptar ka shk

Presidenti Ilir Meta ka reaguar lidhur me situatën e krijuar në pikën kufitare të Kakavijës, ku qytetarët shqiptarë të cilët vijojnë të j

Ish-deputeti i LSI-së, Përparim Spahiu ka reaguar pasi Indeksi i Bazelit e klasifikoi vendin tonë me rrezikshmëri të lartë për pastrimin

Presidenti i Republikës, Sh.T.Z Ilir Meta ka dekretuar kthimin për rishqyrtim në Kuvend të ligjit nr.

Ambasada amerikane ka dalë me një njoftim të rëndësishëm ku ka prezantuar planin e Departamentit Amerikan të Shtetit për nisjen e një nis

Ish-deputetja e Partisë Demokratike, Jorida Tabaku shkruan në Facebook se Shqipëria është vendi ideal për pastrimin e parave.