Letër KQZ-së, PD Korçë: Liro urgjent KZAZ-të, tubime nga 27 qershori

26/06/2019 - 12:09

Partia Demokratike në Korçë i është drejtuar me një letër Komisionit Qendror të Zgjedhjeve, duke i kërkuar të ndërpresë menjëherë procesin e votimeve në Bashkinë e Korçës dhe Pustecit.

Duke iu referuar dekretit të Presidentit Meta për anulimin e datës 30 qershor si datë e zgjedhjeve lokale, sipas tyre këto zgjedhje janë të paligjshme.

“Krim i rëndë vazhdimi i përpjekjeve për të zhvilluar votime në territorin e bashkive Korçë dhe Pustec”, thuhet në letër.

Më tej, në letrën drejtuar KQZ, PD e Korçës njofton se nga data 27 qershor deri më 2 korrik do të organizohen tubime të ligjshme në të dyja bashkitë.

Sipas opozitarëve, tubimet do të jenë të pandërprera dhe me afat kohor të pacaktuar, në mbrojtje të demokracisë dhe zgjedhjeve të lira.

Dega e PD në Korçë kërkon lirimin e menjëhershëm të KZAZ, VNV dhe QV, si dhe kthimin e tyre në funksion të publikut.

“Çdo person që do të tentojë vijimin e procesit të votimit, kryen krim dhe qytetarëve iu lind e drejta që të parandalojnë me çdo mjet demokratik kryerjen e një krimi”, thuhet më tej në letrën e PD.

/portali DurresLajm/

Na bëni like në facebook!: 

Lajme nga e njëjta kategori

Kryeministri bullgar, Bojko Borisov ka thënë se Shqipëria dhe Maqedonia e Veriut duhet të marrin datë për negociata, pasi do të bëhej një

Erisa Zyka nga Brukseli: Dhe një gjë të vogël sa për humor.

U shkarkua me anë të një vendimi politik, siç e cilësoi ai vetë, dhe sot lëshon një kunj ndaj kryesisë së Këshillit Bashkiak Durrës.

Reformën Zgjedhore, Partia Demokratike e vlerëson si vendimtare dhe të vetmen rrugë për të dalë nga kriza politike.

Me 79 vota pro, 20 kundër dhe 3 vota abstenim, Parlamenti ka miratuar projektligjin e buxhetit faktik të vitit 2018.