Manjani për sulmin ndaj Gjonit: S'mbështes gjestin e tij por bojatisja te dera e shtëpisë nuk pranohet!

22/03/2019 - 16:16

Ish-ministri i Drejtësisë, Ylli Manjani ka dënuar sulmin me bojë të deputetit të ri Ralf Gjoni të ndodhur një ditë më parë.

Manjani shkruan në Facebook se nuk e mbështet gjestin e Ralfit dhe të të tjerëve që pranuan të jenë fasada e pushtetit dhe oskigjeni politik i qeverisë moniste sipas tij por nuk e pranon as veprimin tek pragu i derës së deputetit.

"Nuk kam qenë dakort as me të rinjtë e FRESH (nën drejtimin e Spiropalit) në 2013-tën kur i shkuan tek shtëpia e Kastriot Islamit dhe bërtisnin “këtu banon tradhëtari”. Këtë sjellje damkosëse në publik me bojë e thirrje histerike e bëri rinia Naziste kur shkruanin tek dera “Verräter”. Këto sjellje i kemi parë edhe në kohën e diktaturës së proletariatit, kur beheshin gjyqe popullore.", thotë ndër të tjera ish-ministri i LSI.

POSTIMI I MANJANIT

Për linçimin ndaj renegatëve.

—————
Cilido që e ka kurdisur dhe realizuar bojatisjen e Ralf Gjonit tek dera e shtëpisë ka bërë shumë keq! Nuk mund të pranohet kjo gjë në një shoqëri demokratike!

Të kuptohemi, nuk e mbështes në asnjë sekond gjestin e Ralfit dhe të të tjerëve që pranuan të jenë fasada e pushtetit dhe oskigjeni politik i qeverisë moniste.

Aq më pak e pranoj Ralfin dhe të tjerët si ai, si zëvendësues të opozitës, medemek “opozita e re”, apo edhe më keq akoma ta pranoj Ralfin si “masterin e stabilitetit” politik. Me këtë të fundit vetëm mund të qesh.

Nuk kam qenë dakort as me të rinjtë e FRESH (nën drejtimin e Spiropalit) në 2013-tën kur i shkuan tek shtëpia e Kastriot Islamit dhe bërtisnin “këtu banon tradhëtari”.

Këtë sjellje damkosëse në publik me bojë e thirrje histerike e bëri rinia Naziste kur shkruanin tek dera “Verräter”. Këto sjellje i kemi parë edhe në kohën e diktaturës së proletariatit, kur beheshin gjyqe popullore.

Ndaj smund ta pranoj kurrë si sjellje normale! Njerëzit duhen pranuar ashtu siç janë, me të mirat e të këqijat e tyre.

Mendimi, fjala dhe zgjedhja në shoqërinë demokratike janë liri të garantura. Gjykimi publik bëhet me votë, jo me bojë as me gurë. Nëse njerëzve nuk u skuqet faqja, nuk ndihmon boja...

Kultura e damkosjes duhet t’i përkasë të shkuarës, pavarësisht se shumë njerëzve mund t’u pëlqejë kjo gjë.

Nëse nuk e ndalojmë këtë gjë, në fund humbasim të gjithë...

Dhe më në fund fare, nuk mendoj se ja vlen të merremi më me ta, por me krizën më të thellë politike që po kalojmë!

/portali DurresLajm/

Na bëni like në facebook!: 

Lajme nga e njëjta kategori

Presidenti i Republikës, Ilir Meta ka dhënë një intervistë të gjatë për televizionin “Al Jazeera”, ku ka “skanuar” situatën politike dhe

Në një deklaratë për mediat, kryeemokrati Lulzim Basha ka reaguar pas dhënies së masës arrest me burg për 4 nga 7 të arrestuarit në Libra

Kryeministri Edi Rama ndërsa po zhvillonte fushatën e radhës elektorale në Pogradec, ka ironizuar opozitën me “filxhanin”.

Kryeministri Edi Rama nga Pogradeci komentoi vendimin e gjykatës së Elbasanit për të lënë në burg 4 nga shtatë të arrestuarit ndërsa tha

Kryeministri Edi Rama ka vijuar takimet elektorale në qytetin e Pogradecit ku si çdo herë tjetër edhe sot nuk ka kursyer ironitë dhe sulm

Mbështetësit e opozitës kanë pritur sërish me protesta kryeministrin Edi Rama, i cili po vijon takimet elektorale në juglindje të vendit.

Kreu i partisë Agrare Ambientaliste, Agron Duka ka reaguar pas lajmit se gazetari gjerman Peter Tiede do të publikojë ditën e nesërme për

Sekretari i Përgjithshëm i Partisë Socialiste, Taulant Balla zhvilloi një takim me shqiptarët që jetojnë e punojnë në Selanik të Greqisë.

Kryetari i Partisë Demokratike, Lulzim Basha thotë se kryeministri Edi Rama prej një jave po kërcënon opozitën.

Nga Maliqi ku ndodhej për fushatë kryeministri Rama nuk i kurseu notat e ironisë në lidhje me thirrjet e Neritan Cekës për të mos shkuar