Mesazhi i presidentit Meta: Jo punës së fëmijëve dhe shfrytëzimit të tyre!

   Presidenti Ilir Meta përmes një statusi në “Facebook” ka dhënë një mesazh të veçantë.

Kështu në kuadër të Ditës Botërore Kundër Punës së Fëmijëve, Meta ka bërë një apel të veçantë për fëmijët që shfrytëzohen në punë.

MESAZHI I METES:

Sot, në Ditën Botërore Kundër Punës së Fëmijëve, kam një apel të veçantë, për të reflektuar dhe për t’u ndërgjegjësuar ndaj kësaj çështjeje të rëndësishme.
Ende ka shumë fëmijë, që lypin në rrugë, punojnë në të zezë, jetojnë në kushte të papranueshme sociale e psikologjike, nuk arsimohen dhe janë subjekt i formave të ndryshme të dhunës, abuzimit dhe shfrytëzimit.
Fëmijët tanë, janë e ardhmja jonë. Ata meritojnë një shoqëri që iu garanton të rriten të lumtur dhe në paqe.
Të tregojmë më shumë vëmendje ndaj fëmijëve, më shumë vendosmëri për të penguar këto fenomene negative, për të forcuar masat ligjore ndaj përgjegjësve dhe përfituesve të shfrytëzimit të tyre dhe për të krijuar kushtet sociale në ndihmë të familjeve të varfëra.
Jo punës së fëmijëve!
Jo dhunës, abuzimit, dhe shfrytëzimit të tyre!