Meta: E ardhmja e Shqipërisë nuk do të jetë Rilindja, jam ketu per ta bllokuar

24/07/2019 - 10:00

Presidenti i Republikës Ilir Meta në një intervistë për emisionin “Tempora” në RTV Ora, komentoi mbi situatën politike në vend dhe për Rilindjen.

Sipas Metës, thelbi i Rilindjes është çbërja e çdo gjëje kombëtare dhe publike. "Kjo nuk do të jetë e ardhmja. Unë të gjitha nuk jam për t’i treguar këtu, prandaj jam këtu për 28 vjet që të mbroj interesat e këtij vendi dhe jo për të zgjidhur hallet e mia personale", u shpreh Meta.

Pjesë nga intervista....

Gazetarja: Një ndër përgjegjësit që ky njeri është në krye të qeverisë e keni dhe ju, çfarë ndjeni ju kur jua thonë vazhdimisht këtë gjë?

Presidenti Meta: Unë kam këtë përgjigje për të gjithë, gjithmone kam respektuar vullnetin e popullit shqiptar dhe do ta respektoj deri në fund. Unë nuk punoj që të jem e ardhmja e Shqipërisë, mendoj që Shqipëria ka nevojë për një të ardhme të sigurt dhe në çdo rast e ardhmja e Shqipërisë nuk do të jetë Rilindja dhe për këtë do të jeni të sigurt, dhe unë jam këtu për ta garantuar këtë gjë.

Gazetarja: Si e garantoni ju kete gje? Ju jeni President.

Presidenti Meta: E ardhmja e Shqipërisë, se çfarë do të jetë se do të jetë Partia Socialiste a do të jetë Partia Demokratike a do të jetë një forcë e re politike, për mbrojtjen e sovranitetit të Shqipërisë këtë gjë nuk e di. Por që s’mund të jetë sepse thelbi i Rilindjes është çbërja e çdo gjëje kombëtare dhe publike. Kjo nuk do të jetë e ardhmja. Unë të gjitha nuk jam për t’i treguar këtu, prandaj jam këtu për 28 vjet që të mbroj interesat e këtij vendi dhe jo për të zgjidhur hallet e mia personale.

Gazetarja: Si do ta bllokoni?

Presidenti Meta: Epo të gjitha nuk do t’i tregoj sot.

Gazetarja: Unë për këtë punë jam.

Presidenti Meta: Edhe unë prandaj jam këtu prej 28 vitesh që të mbroj interesat e këtij vendi. Për këtë punë jam, për çfarë jam këtu? Për të zgjidhur hallet e mia?!

Gazetarja: Keni në dorë për të mbrojtur interesat e shqiptarëve që Rilindja nesër të mos përkeqësojë situatën e një shteti në ekulibrin më të keq të mundshëm në periudhën e pluralizmit në shtet monopartiak?

Presidenti Meta: Unë gjithmon kam mbrojtur interesat kombëtare, kam mbrojtur interesat publike. Nuk jam njeri që nuk kam gabuar, por gabimet e mia më shumë më kanë kushtuar mua sesa i kanë kushtuar vendit. Kurrë nuk kam pranuar të bëj gabime aq më tepër me ndërgjegjie, të cilat mund të cënojnë të ardhmen e vendit kurrë.

Gazetarja: Keni pengje?

Presidenti Meta: Një gjë duhet të dini: që nuk jam peng i askujt. Për sa i takon kësaj historisë së pengjeve, dhe kjo më bën të lirë dhe të qetë që të marr vendime në interes të vendit, jua thashë edhe më parë: as armiqtë e Shqipërisë por as miqtë e Shqipërisë nuk më shantazhojnë dot kundër interesave të vendit tim, këtë duhet ta keni parasysh. Dhe kam dhe një model kur bëhet fjala në raport me qytetarët shqiptarë, se kam përmendur këta heronjt tanë kombëtarë. Është Alija Izebegoviç. Kur e morën në aeroport atëhere serbët për shkak të një tradhëtie ndërkombëtare i vunë pistoletën te koka, dhe i thanë merre atë zëvendësin tënd Ejup Ganiç dhe i thuaj të tërhiqet, të dorëzohet! Dhe ai tha dakord. E lidhën në telefon dhe i tha unë jam peng, ju vazhdoni. Çdo politikanë që mund të ketë bërë një gabim, apo që mund të jetë peng i këtij gabimi apo faji apo shantazhi, kurrë nuk duhet të lejojë që për shkakun e tij të sakrifikohet e ardhmja e popullit të tij. Unë këtë gjë e them me bindje dhe me ndershmëri absolute para gjithë qytetarëve shqiptarë. Unë i di dhe gabimet e mia i di dhe ato mangësitë e mia, por di dhe avantazhet e mia.

Gazetarja: M’i numëroni pak! Cili është avantazhi juaj?

Presidenti Meta: Avantazhi im, që nuk është vetëm i imi, sepse ka edhe të tjerë, është që unë kam lindur në Skrapar, edhe ky nuk është një avantazh i vogël për t’i qëndruar gati të gjitha këtyre presioneve te mëdha. Kur të vish më 22 gusht tek festa e Abaz Aliut do ta kuptosh, dhe jeni e ftuar nga ana ime.

Gazetarja: Me kënaqësi se jam bektashiane, dhe e respektoj.

Presidenti Meta: Edhe ju me Abaz Aliun!Abaz Aliu zu’Tomorrë, erdhi afër nesh, Shqipëria s’mbet e gjorë, se “Zoti e desh”.

/portali DurresLajm/

Na bëni like në facebook!: 

Lajme nga e njëjta kategori

Greqia mbështet perspektivën evropiane të vendeve të Ballkanit Perëndimor.

Ish-deputetja e Lëvizjes Socialiste për Integrim, Kejdi Mehmetaj ka bërë fajtorë të drejtpërdrejtë kryeministrin Edi Rama dhe ministrin e

Teksa Kuvendi miratoi me 77 vota pro ligjin për krijimin e korporatës së investimeve ekspertët ngrenë pikpyetje për mënyrën e funksionimi

Për ish-deputetin e PD, Gent Strazimiri ajo që ndodhi në Këshillin Evropian është një bllokim që Evropa i bëri qeverisë dhe Ramës, por jo

Rritja e numrit të turistëve italianë në Shqipëri, ka sjellë në Tiranë rreth 60 tur operatorë dhe përfaqësues agjencish të rajonit të Pul

Sekretari për Marrëdhëniet Ndërkombëtare në Partinë Demokratike, Arben Kashahu është shprehur se nuk është faji i Europës për moshapjen e

"Teksa këtu rreken ende të gjejnë fajtorin diku tjetër, e të mos mbajnë përgjegjësi për asgjë, kryeministri i Maqedonisë së Veriut ka

Gjatë deklaratës për shtyp, ministri i Jashtën në detyrë, Gent Cakaj foli për rastin e Alvin Berishës, 11-vjeçarit që u dërgua në kampet

Ministri i Jashtëm Gent Cakaj iu drejtua sot sërish mediave lidhur me vendimin e një ditë më parë të BE për të mos çelur negociatat me Sh

Kryetarja e LSI-së, Monika Kryemadhi ka reaguar një ditë pas vendimit të Këshillit Europian, i cili vendosi që Shqipërisë dhe Maqedonisë