Presidenti Ilir Meta ka folur në lidhje me qëndrimin e tij ndaj ambasadorëve që vijnë në Shqipëri, marrë shkas dhe nga fakti që pasditen e sotme shpalli non-grata ambasadorin e OSBE-së Bernd Brochardt. Teksa i quajti lecka të kryeministrit Edi Rama disa prej ambasadorëve, Meta kujtoi edhe Donald Lu-në.
“Ai më kërkonte falje gjithmonë. Më thoshte më fal se dija, më gënjeu Partia Socialiste,”– tha Meta.
Ndërkohë më tej, Meta bëri përgjegjës ambasadorët në lidhje me mos hapjen e negociatave për Shqipërinë.
“Negociatat nuk u hapën. Nuk hapen dhe kushtet shtohen çdo ditë, por ambasadorët shkojnë pas Ramës, e mbështesin,”– tha Presidenti në fund.
