Meta: Ndihmë dhe solidaritet me Italinë, pandemia rrezik i përbashkët

29/03/2020 - 20:49

“Pandemia e shkaktuar koronavirusi është një rrezik i përbashkët që kërcënon vendet dhe qytetarët tanë“. Kështu thekson Presidenti i Republikës së Shqipërisë Ilir Meta, në një intervistë për And Kronos dhe të përcjellë për mediat nga zyra për shtyp e Presidencës, pasi Shqipëria dërgoi 30 mjekë dhe infermierë në Itali, për të ndihmuar në përballimin e pasojave të infeksionit.

“Fatkeqësisht Italia po paguan një çmim shumë të lartë”, vazhdon Meta – Prandaj, për Shqipërinë “të qenit në ndihmë të popullit italian sot nuk është vetëm një gjest ndihme dhe solidariteti, por edhe një mundësi për të shkëmbyer përvojë për mjekët tanë të rinj dhe stafin shëndetësore, për të ndihmuar zonat më të prekura”.

“Historia e ndihmës reciproke ndërmjet popujve tanë, vazhdon Meta – daton shekuj më parë, kur shqiptarët u bënë diga që ndaloi pushtimin otoman, së pari të Italisë dhe më pas të Europës, periudhë që zgjati për shumë vite e shumë shekuj. Këtë lidhje të fortë e dëshmojnë gjithashtu Komuniteti i vjetër arbëresh në Itali që jetojnë në Siçili, Kalabri, Basilicata, Puglia, Campania, Molise, Lazio dhe Abruzzo“, por gjithashtu edhe komuniteti i ri i shqiptarëve që mbërriti në Itali pas vitit 1990, një pjesë sot qytetarë italianë dhe rezidentë pikërisht në zonat më të prekura nga pandemia.

“Si mund ta harrojmë – shton Meta – Italinë dhe ndihmën e saj në të gjitha krizat shqiptare nga viti 1991 deri në 1997, gjatë luftës së Kosovës së vitit 1999 dhe tërmeti i fundit i 2019. Ne jemi dy vende fqinje dhe dy popuj fqinj. Unë e them shpesh, gjithçka mund të ndryshojë, por gjeografia nuk mundet ”.

Për Metën, vendet tona janë në të njëjtën varkë: “Një sukses për Italinë kundër koronavirusit do të ishte gjithashtu një avantazh i madh për Shqipërinë në luftën e saj kundër virusit“. Gjithashtu Presidenti i Republikës shqiptare shpreh “ngushëllimet e tij për të gjithë familjarët e viktimave të Covid-19 dhe autoritetet italiane”.

“Bashkimi Europian po përjeton një periudhë të shënjuar nga “vështirësi të mëdha”, por në të kaluarën ka përjetuar periudha “shumë më të vështira” sesa kjo aktuale me pandeminë Covid-19, përfshirë dy Luftëra Botërore”. Këtë nënvizoi Presidenti i Republikës së Shqipërisë, Ilir Meta, gjatë intervistës për AdnKronos.

Vendi i Shqiponjave së fundmi ka marrë OK-in për fillimin e negociatave të anëtarit në BE, nga Këshilli Europian, së bashku me Maqedoninë Veriore.

Tani BE-ja, përballë pandemisë, po përballet me tensione shumë të forta: “Unë e kuptoj keqardhjen – nënvizon Meta – dhe ndryshimet që po ndodhin në këtë periudhë të vështirësive të mëdha”.

“Por, më lejoni t’ju them – vazhdon ai – se Europa ka kaluar periudha shumë më të vështira, përfshirë dy Luftëra Botërore në shekullin e kaluar. Është e domosdoshme që në projektin europian të kishte hapësirë, si për të mirat që sjell integrimi dhe tregu i përbashkët, por gjithashtu do të ishte e nevojshme të ruhen traditat dhe kultura, të gjitha në emër të lirisë dhe demokracisë“, përfundon Meta.

/portali DurresLajm/

Na bëni like në facebook!: 

Lajme nga e njëjta kategori

Sekretari i Përgjithshëm i PD, Gazment Bardhi ka reaguar pas publikimit nga mediat të përgjimeve të biznesmenëve të Ndraghetës, ku biznes

Ish-deputetja e PD-së, Grida Duma ka akuzuar kryeministrin Edi Rama dhe qeverinë e tij se fsheh vdekjet nga koronavirusi në vend.

Ambasadorët e SHBA dhe BE në Tiranë, Yuri Kim dhe Luigi Soreca kanë zhvilluar një takim me kreun e Këshillit të Emërimeve në Drejtësi Erv

Presidenti Ilir Meta ka deklaruar se Shqipëria ka barrën fiskale më të lartë dhe të ardhurat publike më të ulëta, krahasuar me vendet e r

Organizata për Siguri dhe Bashkëpunim në Evropë (OSBE) është partnerja kryesore e Shqipërisë në procesin zgjedhor që do të kulmojë me zgj

Dega e LSI-së në Berat, në Gjeroven, është shkrirë e gjitha dhe të 140 anëtarët e saj pritet t'i bashkohen Partisë Socialiste.

Nënkryetari i PD-së në Vlorë, Lorenc Danaj përmes një deklarate në portën lindore të Portit të Vlorës, shprehet se zhvendosja e Portit De

Ambasadorja amerikane në Shqipëri, Yuri Kim ka ripublikuar deklaratën e 22 korrikut 2020 kur i bënte thirrje partive politike që të kontr

Pas një jave pune parapërgatitore, edhe pse në kushtet të vështira atmosferike ka nisur puna në kantierin e Spitalit Rajonal në Fier, ku