Presidenti i Republikës Ilir Meta shfaqet në postimin e radhës duke notuar në një liqen mes malesh.
Ai ndodhet në liqenin e Jazhincës në malet e Sharrit në Kosovë, një nga bukuritë natyrore të rralla të Kosovës.
“Të dashur miq! Një mrekulli e veçantë këtë herë ishte të zbuloja dhe të notoja në Liqenin e Jazhincës, një monument i rrallë natyror 2180 metra mbi nivelin e detit”, shkruan Meta.
Liqeni i Jazhincës ka ngjyrë të errët të gjelbër si safiri dhe është i rrethuar nga shkëmbinj të mëdhenj. Gjatësia e përafërt e tij është 120 m dhe gjerësia e përafërt 80 m, me thellësi të madhe. Me ujë tepër të ftohtë, liqeni është i papërshtatshëm për not, edhe pse ka edhe të tillë që marrin guximin për t’u futur në të.
