Meta, shkarkimi "dhuratë" Ramës për ditëlindje

24/06/2019 - 10:42

Komisioni Parlamentar i ligjeve mblidhet të hënën për të diskutuar mbi kërkesën e një grupi deputetësh për të shkarkuar presidentin Ilir Meta për shkelje të rëndë të Kushtetutës, përmes dekretit që anuloi zgjedhjet e 30 qershorit. Ndërkohë që shkarkimi i tij mësohet se do të votohet në seancë parlamentare në datën 4 korrik. Javën e fundit të qershorit Kuvendi në axhendën e tij të punimeve nuk ka parashikuar seancë parlamentare. Seanca më e afërt është ajo e 4 korrikut, kur sipas burimeve pritet të kalojë për votim edhe raporti i Komisionit të Ligjeve për shkarkimin e Presidentit Meta. Më 4 korrik ka ditëlindjen kryeministri Rama, dhe duket sikur shkarkimi i Metës vjen si dhuratë për të.

Por nga ana tjetër vjen edhe në formën e një hakmarrje. Kjo për faktin se në 4 korrik 2009, pikërisht në ditëlindjen e Ramës, Ilir Meta shpallte koalicionin me Berishën pas zgjedhjeve të 29 qershorit dhe ajo ditë u zgjodh qëllimisht nga Meta për të ngulur thelle “thikën e hakmarrjes” te Rama. Tashmë e njejta “thikë”, në të njejtën ditë “ngulet” diku tjetër.

Komisioni i Ligjeve bazuar edhe në rregulloren e Kuvendit i ka çuar ftesë Presidentit duke i dhënë mundësinë e një seance dëgjimore në Komision për të argumentuar në mënyrë ligjore arsyet e  vendimit të tij për të anuluar zgjedhjet.

Por presidenti përmes një letre drejtuar komisionit e refuzoi ftesën duke mos dhënë asnjë arsye të argumentuar ligjërisht. Arsyet që dha presidenti ishte se dekreti i tij është ligjor pasi është botuar në Fletoren Zyrtare dhe më pas citonte një Konventë Europiane, duke anashkaluar komplet Kushtetutën e Shqipërisë.

Shteti funksionon në bazë të ligjeve dhe Kushtetutës, ndërsa presidenti në letrën drejtuar ligjëvënsve nuk e përmend fare atë. Lind pyetja a ka frikë Meta të dalë para deputetëve dhe të argumentojë vendimin e tij?

Kujtojmë se më herët, kur ishte rasti i mos dekretit të ministrave Lleshaj dhe Cakaj presidenti është shprehur publikisht i gatshëm të ballafaqohej me Kuvendit dhe të argumentonte vendimin e tij. Ndërsa tani kur çështje merr një rëndësi më të madhe për vetë faktin se kuvendi po diskuton shkarkimin e tij për shkelje të Kushtetutës, Presidenti refuzon të shkojë në komision duke thënë madje se shkarkimin e tij nga detyra është një proces politik.

Duket se mungesa e argumenteve ligjore ka bërë që presidenti të refuzojë përballjen me deputetët e Komisionit të Ligjeve, por gjithsesi siç realstory ka paralajmëruar edhe më herët ai ka nisur të marrë masa për t’u mbrojtur nga shkarkimi.

Kjo mbrojtje e Metës vihet re tek dy kërkesat drejtuar KQZ-së për verifikimin e praktikës shkresore të ndjekur nga ky institucion për t’i dhënë mandatin deputetëve të rinj që zëvendësuan vendet vakante në parlament, të lëna bosh nga opozita që dogji mandatet.

Më këtë lëvizje Meta synon të mbrojë veten në Gjykatën Kushtetuese me argumentin se Komisioni i Mandateve nuk ka bërë verifikimet e kërkesave për dorëzimin e tyre nga deputetët e opozitës, për të kërkuar kështu pavlefshmërinë e votimit në kuvend për shkarkimin e tij. /Realstory.al

/portali DurresLajm/

Na bëni like në facebook!: 

Lajme nga e njëjta kategori

Presidenti Ilir Meta ka kthyer sot një tjetër ligj Kuvendit të Shqipërisë, atë për Shtetësinë.

Presidenti Ilir Meta ka kujtuar sot 150-vjetorin e lindjes së veprimtarit të dalluar të Rilindjes Kombëtare, Josif Bageri.

Ministrja e Mbrojtjes, Olta Xhaçka shkruan në Facebook se autoritetet diplomatike janë në komunikim të vazhdueshëm me palën greke për leh

Kryeministri Edi Rama në urimin e përditshëm në Facebook, ka ndarë sot me ndjekësit një video nga projekti i një shkolle 9-vjeçare në Dur

Qyteti i Shijakut prej disa javësh është kthyer në një kantier ndërtimi. Nga bashkia është punuar intensivisht për çdo aplikim të familje

Ish-deputeti i Partisë Demokratike, Agron Shehaj përmes një shënimi në Facebook ka akuzuar kryeministrin Edi Rama se nuk ka ndërtuar asnj

Kreu i Forumit Rinor të Partisë Demokratike, Belind Këlliçi ka akuzaur Bashkinë e Tiranës se po vjedh qytetarët përmes tenderit për ngroh

Kreu demokrat Lulzim Basha thotë se Rama nuk ka asnjë plan për të ndihmuar qytetarët dhe ekonominë në këtë situatë të rëndë pandemie.

Nënkryetari i LSI-së, Petrit Vasili përmes një statusi në Facebook i kërkon qeverisë Rama të largohet pasi sipas tij, ka dështuar me mena

Ministria për Europën dhe Punët e Jashtme ka reaguar për situatën e krijuar në pikën e kalimit kufitar me Greqinë, në Kakavijë.