Presidenti i Republikës Ilir Meta është takuar në Francë edhe me ministrin e Jashtëm francez Jean-Yves Le Drian me të cilin ka ndarë çështje të rëndësishme.
Në një status në “Facebook”, Kreu i Shtetit shkruan se ka biseduar për bashkëpunimin në rajonin e Mesdheut por thekson se Shqipëria mbështetet te Franca për hapjen e negociatave me BE-në.
“Kënaqësi e veçantë të bisedoja në Marsejë, me ministrin e Jashtëm francez, Jean-Yves Le Drian, jo vetëm për rëndësinë e bashkëpunimit në rajonin e Mesdheut. Presim vizitën e tij të ardhshme në Shqipëri dhe mbështetemi fort te Franca për hapjen e negociatave me Bashkimin Europian”, shkruan Presidenti Meta.
