Meta uron Ramën dhe ministrat, por iu kujton edhe detyrat

Postuar: 13/09/2017 - 18:03

Pas miratimit nga parlamenti, kryeministri Edi Rama dhe ministrat e tij të qeverisë “Rama 2” u betuan sot para presidentit të Republikës Ilir Meta.

Pas përfundimit të betimit, ish-aleati i Ramës në katërvjeçarin që shkoi, ka mbajtur një fjalim të shkurtër. Meta i uroi suksese qeverisë “Rama 2”, dhe në cilësinë e Presidentit të Republikës iu kujtoi edhe detyrat që kanë përpara.

Fjala e Presidentit Meta: 

I nderuar Z. Kryetar i Kuvendit,
I nderuar Z. Kryeministër,
Të nderuar antarë të Qeverisë,
Të nderuar përfaqësues të Institucioneve Kushtetuese,
Dëshiroj që në këtë moment të rëndësishëm të betimit të qeverisë së re të ndaj me të gjithë ju urimin tim të sinqertë për suksese dhe rezultate sa më pozitive në qeverisjen e vendit.
Shqipëria dhe shqiptarët presin nga Qeveria e re, nga Parlamenti i ri, nga maxhoranca por edhe nga opozita përgjegjësi më të mëdha për të përballuar me sukses sfidat që kemi përpara.
Si President i Republikës dua të theksoj rëndësinë madhore për përshpejtimin e zbatimit të Reformës në Drejtësi, në mënyrë që tëkrijohen sa më shpejt institucionet e reja tëDrejtësisë, me qëllim forcimin e sundimit tëligjit, të luftës kundër korrupsionit dhe krimit tëorganizuar, por edhe të përmirësimit të klimës së biznesit në vend.
Anëtarësimi i Shqipërisë në Bashkimin Evropian është një aspiratë kombëtare ndaj besoj se Qeveria dhe opozita do të bashkëpunojnëngushtë për realizimin e këtij objektivi tëpërbashkët madhor dhe përmbushjen e gjithë reformave kyçe me qëllim çeljen e negociatave për antarësimin sa më shpejt të jetë e mundur.
Dua t’ju uroj suksese në veçanti në përmbyshjen e të gjitha përgjegjësive që ka Qeveria për përballimin e sfidave që lidhen me forcimin e sigurisë kombëtare, me luftën kundër terrorizmit, krimit të organizuar e çdo kërcënimi të jashtëm.
Modernizimi i Forcave të Armatosura dhe institucioneve të tjera të sigurisë janë domosdoshmëri që do të rrisin standartet e sigurisë kombëtare e publike por edhe rolin tonë si vend anëtar i NATO-s.
Roli i Shqipërisë është kyç për stabilitetin dhe progresin e gjithë rajonit ndaj besoj se Qeveria do të punojë me përkushtim për forcimin e mëtejshëm të marrëdhënieve me fqinjët dhe të gjitha vendet e rajonit tonë pasi vetëm përmes bashkëpunimit do garantojmë një të ardhme evropiane për të gjithë shqiptarët në rajon dhe popujt e tjerë me të cilët nuk na lidh vetëm gjeografia.
Jam shumë i gëzuar që qeveria e re e ka pagëzuar vitin 2018 si vitin e Gjergj Kastriot Skënderbeut e dëshiroj t’ju siguroj për mbështetjen e këtij Institucioni në nismën tuaj.

Heroi ynë kombëtar Skënderbeu është simboli i unitetit dhe fuqisë së kombit që në të gjitha kohërat i ka bashkuar shqiptarët pa dallim feje, krahine dhe ideje.

Dhe sot ajo që na duhet më shumë ne shqiptarëve këtu e kudo, është bashkimi dhe bashkëpunimi në interesin më të mirë të qytetarëve tanë dhe të kombit tonë.
I nderuar Z. Kryeministër,
Të nderuar anëtarë të Qeverisë

Edhe një herë suksese në detyren e rëndësishme për të cilën u betuat sot!

/portali DurresLajm/

Na bëni like në facebook!: 

Lajme nga e njëjta kategori

   Lajmin e zgjedhjes se drejtorëve në spitalet e vendit e ka komentuar edhe ish-ministri Ylli Manjani, i cili në një koment në rrjetet s

   Organigrama e re e Partisë Demokratike, ende e pamiratuar, shoqërohet nga një projekt-statut i ri, të hartuar nga anëtarë të Këshillit

   Kreu i komisionit të ekonomisë, Erjon Braçe ka njoftuar edhe një herë vendimin që është marrë sot në komisionin që ai drejton që ka të

   Ish-kyeministri Sali Berisha ka publikuar denoncimin e një oficeri dixhital i cili thotë se si ish-ministri Saimir Tahiri ka mashtruar

   Gjatë ditës së sotme, në një deklaratë për shtyp, kreu i demokratëve Lulzim Basha, akuzoi kryebashkiakun Vangjush Dako se është kapur

   Presidenti i Republikës, Meta u prit sot nga homologu i tij maqedonas, Presidenti Gjorge Ivanov.

Kryetari i Partisë Demokratike, Lulzim Basha, deklaroi sot para gazetarëve, se pas ish-ministrit Saimir Tahiri, Kryeministri Edi Rama tas

Ish-kryeministri Sali Berisha ka vijuar edhe sot me denoncimin e radhës që këtë radhë i vjen nga ana e tregtarit dixhital.

Deputetët e grupit parlamentar të Partisë Demokratike kanë paraqitur në mbledhjen e sotme të Komisionit të Integrimit kërkesën për shpjeg

Këtë të enjte Kuvendi i Republikës së Shqipërisë nuk do të mblidhet ashtu si zakonisht.