Ministrja Balluku dëgjesë me tregtarët e makinave: Do gjejmë zgjidhjen më të arsyeshme për shqetësimet tuaja

12/02/2019 - 15:27

Ministrja e Infrastrukturës dhe Energjisë, Belinda Balluku ka organizuar sot paradite një dëgjesë publike me grupet e interesit që lidhen me tregtinë e autoveturave, kryesisht atyre të hershme dhe me interes historik. Këto grupe interesi kishin shprehur më parë shqetësimet e tyre në platformën e bashkëqeverisjes “shqiperiaqeduam” lidhur me disa kufizime ligjore të vendosura, që sipas tyre iu cenojnë aktivitetin tregtar.

Ministrja Balluku e shoqëruar nga drejtori i DPSHTRR, Blendi Gonxhe dhe drejtori i Drejtorisë së Politikave dhe Zhvillimit të Infrastrukturës dhe Territorit, Thimjo Plaku kanë dëgjuar pretendimet e tregtarëve të automjeteve, të cilët kërkojnë zgjerimin e hapësirave kohore për importimin e makinave të vjetra dhe me interes historik, si dhe zgjatjen e afatit për kryerjen e procedurave të nevojshme për regjistrimin e tyre.

Duke marrë fjalën në takim, ministrja Balluku ka theksuar se Shqipëria është angazhuar tashmë në një proces mjaft të rëndësishëm siç është ai i integrimit europian. Në kuadër të këtij procesi, qeveria duhet të përmbushë disa kritere, të cilat lidhen me ruajtjen e mjedisit dhe rregullimin e procedurave ligjore të tregtimit të mjeteve motorike të vjetra.

Megjithatë, ministrja ka premtuar se MIE do të shqyrtojë me kujdes gjithë problematikën e krijuar si dhe kërkesat e paraqitura nga grupet e interesit, për të gjetur zgjidhjen më të mirë të mundshme si për tregtarët e automjeteve ashtu edhe për mos ndotjen e mjedisit.

“Kjo është një dëgjesë për të përmirësuar një fushë në të cilën disi ju janë prekur interesat tuaja dhe ne do gjejmë një rrugë të mesme, sa më të mirë për të qenë konform kërkesave dhe ligjeve që kanë të bëjnë me mjedisin, por nga ana tjetër pa ju prishur edhe juve bizneset në të cilat keni investuar”, është shprehur Balluku.

/portali DurresLajm/

Na bëni like në facebook!: 

Lajme nga e njëjta kategori

Presidenti i Republikës Ilir Meta, ngre alarmin për rënien e blegtorisë, si një nga sektorët më të rëndësishëm të bujqësisë shqiptare.

Një ditë pasi u bë publike padia ndaj kryebashkiakes së Shkodrës, Voltana Ademi nga Këshilli Bashkiak në Shkodër për zëvendësimin dhe emë

Kreu i PD-së për Durrësin, Ferdinand Xhaferraj, doli sot përpara medieve për të denoncuar sipas tij, një tjetër skandal me abuzimet e fon

Demokratët e Qarkut të Gjirokastrës do të votojnë të dielën për kandidatët e propozuar nga anëtarësia, të cilët kanë kaluar filtrin parap

Evis Kushi është ministrja e re e Arsimit e dekretuar pak ditë më parë në këtë detyrë nga Presidenti Ilir Meta me propozim të Kryeministr

Sipas ish-kryeministrit Sali Berisha, kryeministri Rama do të kandidonte në Durrës në zgjedhjet e 25 prillit, por më pas ka vendosur të k

Anëtarësia e PD në Tropojë ka përzgedhur 5 kandidatët e saj për fazën tjetër të procesit të përzgjedhjes.

Përfundon procesi i votimit për konfirmimin e kandidatëve në qarkun Kukës.

Ish-deputeti i PD-së, Edi Palokla ka reaguar pas fjalës së kryeministrit Rama nga Vlora, ku përveçse shprehu se do të garojë sërish në Vl

Kryeministri Edi Rama konfirmon se do të jetë kryesuesi i listës së PS në Vlorë edhe në zgjedhjet e 25 prillit.