Ndihma ekonomike/ Rama përmend Durrësin e Shijakun: Nuk shpenzojmë për parazitët!

24/02/2018 - 10:50

Kryeministri Rama ka mbajtur një takim me drejtues të administratës vendore e qendrore të Beratit mëngjesin e sotëm, ku një ndër çështjet që ndal ishte ajo e skemës së ndihmës ekonomike.

Rama e tha qartë se qeveria nuk do të shpenzojë asnjë para për parazitët, duke iu bërë apel burrave dhe djemve t’i grahin punës ose të protestojnë dhe të paguhen nga organizatorët e protestave, duke shigjetuar kështu opozitën.

"Dje kam ndeshur me një alamet djali rreth 40 vjeç, në formë fizike të admirueshme që kërkonte ndihmë ekonomike dhe në mënyrë të përsëritur i kam thënë që nesër ti mund të fillosh punë, e donte patjetër në bashki. Ndërkohë që vazhdimisht pyetjes sime a je gati të fillosh në privat, i përgjigjej pse çfarë kanë ata që punojnë në bashki më shumë se unë, më të mirë janë ata? Pra ideja që dua 50 mijë lekë nëse s’më jepni punë në bashki është një ide që nuk do gjejë vesh tek ne, se ndihma ekonomike në radhë të parë është ndihmë për familje në pamundësi reale dhe në varfëri reale…

Dje ai goxha djalë që kisha përballë në bashki shkoi të punojë. Imagjinata është që po shkoj të marr një rrogë dhe po rri gjithë ditën në kafene dhe po pres orën 12 që të iki në shtëpi. Qindra vende pune janë vetëm këtu. Ndaj është shumë e qartë dhe është e ndarë ne do vlerësojmë çdo rast ku ndihma ekonomike është domosdoshmëri për të adresuar varfërinë e thellë të një familje. Nëna kryefamiljare me fëmijë janë prioritet. Këta pastaj djem e burra që duan ndihmë ekonomike le të shkojnë të marrin rrugët e protestave dhe të paguhen nga organizatorët e protestave. Ne ndihmë ekonomike për këta nuk kemi. Këta le ti grahin punës ose protestave. 300 mijë lekë nuk janë shumë por janë shumë më tepër se 50 mijë lekë. 450 mijë lekë është rroga e një punëtori në një fabrikë të standardeve europiane për përpunimin e aluminit, nuk ka punëtorë.

12 mln euro investim dhe rrinë në radhë para bashkisë në Shijak dhe në Durrës dhe thonë a ka ndonjë vend për mua në gjelbërim. Jo nuk ka vend për ty në gjelbërim, ti do shkosh në punë. S’do të shkosh në punë, vazhdo jeto në kurriz të atyre që të çojnë lekë nga emigracioni. Faktikisht e vërteta është që qëkur ka filluar ky proces ka një numër të konsiderueshëm, 1000 e ca që kanë shkuar në zyrat e punës. Për parazitët ne nuk kemi mundësi të shpenzojmë paratë e marra nga taksat."

/portali DurresLajm/

Na bëni like në facebook!: 

Lajme nga e njëjta kategori

Kryetarja e LSI, Monika Kryemadhi ka kërkuar falje në emër të gjithë klasës politike për gjendjen e arsimit në Shqipëri që sipas saj duhe

Kryetarja e LSI-së, Monika Kryemadhi e ftuar në emisionin ‘Dritare me Rudinën’ në News 24 tha se i kanë kërkuar që të zbresë në shesh tek

Presidenti Shqipërisë, Ilir Meta ishte i pranishëm mbrëmjen e sotme në 25-vjetorin e pranisë së Organizatës Ndërkombëtarë të Migrimit në

Kreu i PD-së, Lulzim Basha i është bashkuar mbrëmjen e sotme banorëve të Unazës së re, në protestën e tyre.

Bashkëkryetari i Komisionit Parlamentar ad-hoc për Reformën Zgjedhore Oerd Bylykbashi është shprehur ditën e sotme se amendamentet e dorë

Ish-Presidenti Bujar Nishani ka reaguar përmes një statusi në “Facebook” duke sulmuar Edi Ramën, i cili  shprehet se Shqipëria ka tashmë

Presidenti i Republikës Ilir Meta ka zhvilluar një takim me gazetarin Ylli Rakipi, i cili është kërcënuar për jetën me mesazhe elektronik

Partia Demokratike dënon kërcënimin ndaj gazetarit Ylli Rakipi.

Presidenti i vendit, Ilir Meta, i është drejtuar me një letër, Papa Françeskut, në këtë ditë të shënuar për të, në 82-vjetorin e lindjes.

Gjatë një bashkëbisedimi me studentë dhe pedagogë të Universitetit Bujqësor të Tiranës, Kryeministri Edi Rama tha sot se të gjithë studen