Ambasadori i Bashkimit Europian në Shqipëri, Luiggi Soreca, me anë të një shënimi në rrjetet sociale, ka reaguar pas lajmit të autoriteteve të Ministrisë së Shëndetësisë për numrin rekord të të infektuarve me koronavirus në vend. Lidhur me faktin e 90 të infektuarve në 24 orët e fundit, Soreca shkruan:
“Ne duhet të jemi të vetëdijshëm se lufta me koronavirusin nuk ka përfunduar ende. Mbajtja e distancës fizike në vende publike do të thotë eliminim i përhapjes së COVID-19. Kontribuoni në sigurinë kolektive! Mbani distancën fizike!”, shkruan ai.
