Pas takimit me Metën, ish-kreu i KQZ zbulon ftesën për zgjidhjen e krizës

20/11/2019 - 21:40

Problemet e krijuara nga kjo mënyrë qeverisjeje duhet të zgjidhen nga ne dhe pa mbajtur sytë nga ndërkombëtarët tha ish-kryetari i KQZ-së, Kristaq Kume pas takimit me Presidentin Ilir Meta.

Pasditen e së mërkurës Presidenti priti në një takim ekspertë dhe përfaqësues të shoqërisë civile ku diskutoi për rreth një orë për problemet e prodhuara nga kriza politike dhe kushtetuese.

Në fund të këtij takimi, konstitucionalisti Kristaq Kume tha për mediat se Presidenti Meta ka propozuar se zgjidhja e problematikave mund të vijë duke ju drejtuar popullit dhe jo duke mbajtur sytë nga ndërkombëtarët.

“Nëse nuk ndërhyjmë të gjithë do vuajmë kriza të herëpashershme. Presidenti na ftoi të gjithëve që të jemi pjesë e turit të tij, kur ai do ti adresohet popullit për rrugët që duhen ndjekur, për instrumentet që duhen përdorur,  për të shëndetësuar jetën demokratike në vendin tonë. Pra në optikën e presidentit, ne si rezultat i mënyrës së qeverisjes, në kuptimin e përgjithshëm të fjalës qeverisje, nuk kemi arritur në pritshmëritë e dëshiruara, por kemi prodhuar probleme, që duhen të zgjidhen dhe këmbënguli po ashtu, sipas optikës së tij se të gjitha këto mund të zgjidhen nga ne dhe mos t’i mbajmë sytë nga ndërkombëtarë, sepse më së shumti ata mund të jenë faktorë pengues se sa zgjidhës për problemet tona.”, tha Kume.

Ish-kreu i KQZ-së shtoi se qëndrimi i tij në lidhje me këtë situatë është që të bëhet një “reformë legjislative” me aktorët politikë, specialistë dhe përfaqësues të shoqërisë civile pasi sipas tij Shqipëria nuk po qeveriset më sipas rregullave demokratikë.

“Këtë qëndrim te Presidentit e gjeta edhe të përshtatur në vijim të asaj që unë kam kohë që e kam paraqitur që është një thirrje për të gjithë aktorët politikë, brenda dhe jashtë parlamentit, specialistë e teknicienë, për t’u bërë të gjithë bashkë dhe të realizojmë reformën e thellë legjislative që do ketë mundësinë të krijojë shtrati e  nevojshëm të ndërtimit të demokracisë. Ne jemi një vend që nuk po qeverisemi më sipas rregullave të demokracisë”, tha ai.

/portali DurresLajm/

Na bëni like në facebook!: 

Lajme nga e njëjta kategori

Presidenti Ilir Meta ka pritur sot në Presidencë ambasadoren e re amerikane, Yuri Kim, ku kjo e fundit i ka dorëzuar letrat kredenciale.

Kryeministri Edi Rama ka mbërritur në zyrën e Kancelares Gjermane, Angela Merkel.

Kreu i Partisë Demokratike, Lulzim Basha ka kujtuar Ditën Ndërkombëtare të Holokaustit, tragjedinë që mori miliona jetë njerëzish.

Në Ditën Ndërkombëtare të Kujtesës, Presidenti Ilir Meta ka përkujtuar viktimat e Holokaustit.

Nëse nuk do të caktohet data e zgjedhjeve të përgjithshme dhe vendore pas miratimit të reformës zgjedhore, opozita do t'iu rikthehet prot

Kryeministri Edi Rama do të udhëtojë sot drejt Gjermanisë ku do të zhvillojë një takim me kancelaren Angela Merkel.

Kreu i Partisë Demokratike, Lulzim Basha, ka kujtuar tërmetin tragjik të 26 nëntorit.

Po mbahet në sallën e Albanologjisë në Pallatin e Kongreseve prezantimi i platformës së aplikimit online për qytetarët që përfitojnë nga

Nënkryetari i PD-së, Edi Paloka u shpreh nga Lushnja ku mori pjesë në 29-vjetorin e themelimit të degës së kësaj partie se opozita e bash

Pasi gjykata vendosi pushimin e çështjes së famshme CEZ për privatizimin e O.S.SH, ku i akuzuar ishte edhe Shkëlzen Berisha, ka reaguar k