PD i drejton 3 pyetje ministres Balluku për koncesionin Thumanë-Kashar

21/02/2020 - 18:32

Partia Demokratike ngre akuza të tjera për koncesionin Thumanë-Kashar–Lekaj. Në një deklaratë për mediat të Departamentit Antikorrupsion të PD thuhet se pas anulimit të një koncesioni korruptiv të dokumentuar nga PD, Ministria e Infrastrukturës pritet që shumë shpejt të hapë “garë” për ndërtim me koncesion të tipit BOT, që nënkupton ndërtimin e rrugës nga kapitali privat, dhe më pas kompania përfiton fondet nga taksimi i aksit për një periudhë së paku 30-vjeçare.

Ndaj PD i drejton tre pyetje ministres Belinda Balluku, duke e pyetur drejtpërdrejt për një kompani të paracaktuar si fituese dhe a ka kontakte personale me të.

DEKLARATA E DEPARTAMENTIT ANTIKORRUPSION TË PD:

Qeveria ka anuluar kontratën koncesionare me PPP për ndërtimin e segmentit Thumanë-Kashar–Lekaj. Koncesioni ishte korruptiv dhe Partia Demokratike dokumentoi sesi ishte dyfishuar vlera reale e ndërtimit të rrugës dhe ishte zgjedhur drejtpërdrejtë oligarku, mik i Kryeministrit.

Anulimi i një koncesioni korruptiv është një lajm i mirë për qytetarët. Mirëpo, nuk mund të jetë lajm i mirë, nëse anulimi nuk është bërë për të luftuar aktin e parë korruptiv, por për qëllime të tjera më madhore korruptive.

Ministria e Infrastrukturës pritet që shumë shpejtë të hapë “garë” për ndërtim me koncesion të tipit BOT, për këtë aks rrugor, që nënkupton ndërtimin e rrugës nga kapitali privat, dhe më pas kompania përfiton fondet nga taksimi i aksit për një periudhë së paku 30-vjeçare. [https://www.monitor.al/qeveria-heq-dore-nga-ppp-per-thumane-kashar-lekaj...

Pyetjet që duhet të marrin përgjigje nga Ministria e Infrastrukturës janë:

1. A është paracaktuar si fituese e kësaj procedure fiktive kompania “TERNA” dhe a ka kontakte personale Ministrja Belinda Balluku me këtë kompani?

2. A është urdhëruar Komisioni që të hartojë kriteret dhe dokumentat e tenderit, duke ja përshtatur ato klientit të paracaktuar dhe me të cilin ka arritur pazarin e rradhës?

3. A janë duke u hartuar propozimi teknik dhe financiar, si dhe kriteret e tenderit, sipas kushteve që i plotëson vetëm një kompani, duke eleminuar në këtë mënyrë konkurencën e lirë, që është parakusht ligjor për çdo prokurim publik?

Eleminimi i garës dhe paracaktimi i fituesve të çdo tenderi publik, janë arsyet pse Shqipëria ka bërë hapa të mëdha pas në luftën ndaj korrupsionit dhe pse korrupsioni është bërë pengesa kyçe për integrimin europian të Shqipërisë!

/portali DurresLajm/

Na bëni like në facebook!: 

Lajme nga e njëjta kategori

Presidenti i Republikës Ilir Meta ka reaguar për 11-vjetorin e anëtarësimit të Shqipërisë në NATO.

Kryetarja e LSI-së, Monika Kryemadhi pohoi se nuk ka frikë nga COVID, pasi kujdeset për higjienën dhe ushqehen shëndetshëm si familje.

Për kryedemokratin Lulzim Basha, transparenca dhe informacioni mbi gjendjen reale të infektimeve janë jetike, për të ofruar garanci dhe s

Kryeministri Edi Rama në një lidhje të drejtpërdrejtë në “News 24” ka folur sërish për situatën e koronavirusit në vendin tonë.

Kryeministri Edi Rama ka paralajmëruar se nga e hëna do të vendosen rregulla të reja në tregun e Kombinatit, si i vetmi treg sipas kreut

Sekretari i përgjithshëm i PD-së, Gazment Bardhi thotë se kryeministri Edi Rama është kapur në flagrancë duke gënjyer ndërsa publikon në

Përmes një reagimi për mediat, Presidenti Ilir Meta u ka bërë thirrje të gjithë qytetarëve që të respektojnë masat e karantinës në kuadër

Presidenti Ilir Meta ka reaguar pas lajmit për shërimin e Profesor Dhimitër Krajës.

Kryeministri Edi Rama ka reaguar pas shërimit nga koronavirusit të mjekut të njohur, Dhimitër Kraja.

Ish-deputetja demokrate, Dhurata Çupi ka sulmuar kryeministrin Edi Rama në një postim në Facebook, ku shkruan se sjellja e tij me pronën