PD-ja e Durrësit ndez motorët, nis trajnimi i të rinjve

08/10/2019 - 21:38

Krahas shtimit të rradhëve me anëtarë të rinj, Forumi Rinor i Partisë Demokratike Durrës është duke i kushtuar vëmendje edhe trajnimit të tyre, për të qenë gati për sfidat që ka përpara partia më e madhe opozitare.

Pasditen e së mërkurës, në selinë e degës lokale do të zhvillohet trajnimi “Arti i të folurit në publik”, që ka për qëllim të përmirësojë aftësitë komunikative të të rinjve në përballjet e ardhshme në publik, në takimet me qytetarë apo bashkëmoshatarë të tyre, në debatet e diskutimet që mund të krijohen gjatë aktivizimit të tyre në strukturat e PD-së etj.

Artjon Bajramaj, kreu i FRPD Durrës thotë për DurrësLajm se ky trajnim pason atë të 3 javëve më parë, “Si të ndërtojmë një argument”, i cili kishte si lektorë kreun e degës Ferdinand Xhaferaj dhe Redi Myshketën. Këtë herë, rolin e trajnuesit do ta bëjnë ish-deputeti Oerd Bylykbashi dhe Blerina Reçi.

“Sfidat e politikës shqiptare janë të shumëllojshme,- thotë Bajramaj,- dhe të rinjtë, qoftë ata që tashmë janë pjesë e strukturave të PD-së, qoftë ata që nuk janë angazhuar ende politikisht, mund të marrin pjesë në trajnimin që do të mbahet në orën 18.00”.

Ndërthurja e qasjes akademike me anën praktike të politikës, sjellja e shembujve nga ana e politikanëve me përvojë, të cilët do të ndajnë eksperiencat e tyre me të rinjtë e Durrësit është ajo çfarë synon të përcjellë trajnimi i ditës së mërkurë.

Rreth dy javë më parë, kreu i PD-së Lulzim Basha u bëri thirrje të gjitha strukturave të bëheshin gati për zgjedhje, sepse ato mund të zhvillohen në çdo kohë. Gjatë muajve kur opozita e bashkuar organizoi 10 protesta kombëtare, të rinjtë e FRPD Durrës ishin të pranishëm në secilën prej tyre, madje ata organizuan disa protesta të vogla edhe në Durrës, si ajo para AKU-së, para bashkisë së qytetit etj.

Bajramaj nënvizon se të rinjtë janë një aset i çmuar për PD-në dhe për këtë arsye, trajnimit, sjelljes dhe përballjes së tyre të ardhshme në terren dhe takime elektorale po u jepet rëndësia e duhur.

Lideri Basha ka vënë në dukje disa herë se afrimi pranë PD-së i elementëve të rinj, të larguarve apo të hatërmbeturve duhet të jetë ndër prioritetet e degëve të partisë më të madhe opozitare në vend.

M.B.

/portali DurresLajm/

Na bëni like në facebook!: 

Lajme nga e njëjta kategori

Sekretari i Përgjithshëm i Partisë Demokratike, Gazment Bardhi reagon në rrjete sociale pas konferencës për shtyp të ministres së drejtës

Përfaqësuesi i Grupit të Punës, ngritur pranë Partisë Demokratike, ish-deputeti dhe mjeku Bardh Spahia, monitoroi dy qendra shëndetësore

Nënkryetari i LSI, Petrit Vasili ka reaguar pas deklaratës së ministres së Drejtësisë, Etilda Gjonaj, e cila i cilësoi akuzat e President

Ministrja e Drejtësisë, Etilda Gjonaj doli sot në një konferencë për mediat për t’ju përgjigjur akuzave të Presidentit Ilir Meta, si bash

Presidenti Ilir Meta foli në një intervistë për “Euronews” në Francë, duke komentuar thirrjen e tij për tubimin e 2 marsit.

Gjatë mbledhjes së Komitetit Kombëtar të Sigurisë, kryeministri Edi Rama tha edhe një herë se Shqipëria nuk është prekur nga Koronavirusi

Kryeministri Edi Rama ka mbledhur sot Komitetin Kombëtar të Sigurisë, lidhur me masat e marra deri më tani për parandalimin e Koronavirus

Shumë zëra i janë bashkuar thirrjes së Presidentit Ilir Meta për tubimin e 2 marsit.

Kur nuk na ndajnë shumë ditë nga 2 marsi, data kur presidenti Ilir Meta ka thirrur në një manifestim qytetarët në Bulevard, në mbrojtje t

Aleanca për Mbrojtjen e Teatrit ka kallëzuar penalisht nënkryetarin e bashkisë së Tiranës Arbian Mazniku.