PD: Klodian Zoto do të paguhet 18 milionë euro nga Rama për inceneratorë që nuk ekzistojnë

29/03/2020 - 22:03

“Klodian Zoto do paguhet këtë vit nga Rama plot 18 milionë euro, për inceneratorët që në fakt nuk ekzistojnë”.

Kështu denoncon në “Facebook” demokrati Eno Bozdo, i cili shton se bashkë me Zoton, Rama do të paguajë edhe 11 miq e shokë të tjerë, që në total do iu japë 120 milionë euro, në mes të kësaj krize të jashtëzakonshme.

Mesazhi i Bozdos:

Klodian Zoto do paguhet këtë vit nga Rama plot 18 milionë euro, për inceneratorët që në fakt nuk ekzistojnë. Ashtu si edhe 11 miq e shokë të tjerë të Edi Ramës. Të gjithë do të paguhen në total 120 milionë euro, për punë që nuk janë bërë apo nuk kanë pse të bëhen në mes të kësaj krize të jashtëzakonshme.

Gazetarit, i cili dje gjatë intervistës i kërkoi kryeministrit arsyen pse shqiptarët nuk ndihmohen financiarisht ashtu siç po vepron çdo vend tjetër rreth nesh, Rama iu përgjigj thatë se nuk kishte lekë. “ ..S`kemi ku i gjejmë…”-tha, pa iu dridhur qerpiku. Vetëm 12 orë më vonë shpalli tenderin 410 milionë lekë për kolltuqe dhe perde zyrash. Një javë më parë tenderoi plot 50 milionë euro për beton. Para që duhet të shkonin në ndihmë të qytetarëve dhe ekonomisë tonë, por që si zakonisht përfundojnë në xhepat e miqve të tij.

Qytetarët të cilët i shkruajnë për faktin se familjet janë pa bukë, se pensionistët nuk kanë me cfarë të ushqehen, se bizneset janë mbyllur dhe se fëmijët po flenë të uritur, Rama tallet me ata duke i kërkuar llogari për lekët që paguajnë internetin.

Ka zgjedhur të talllet në këtë kohë shumë të vështirë. E bën me ndërgjegje dhe dëshirë të plotë. Mendon se gjithçka harrohet, por nuk është aspak kështu. Sepse një gjë duhet të ketë mirë parasysh: meqënësë i pëlqen të thotë së “..jemi në luftë, dhe se në luftë dezertorët dënohen..”, atëhërë është mirë t`i kujtojmë se çfarë ndodh me spekulantët dhe hajdutët në kohë lufte dhe se cfarë fati i pret ata.

Sepse lufta per shqiptarët një ditë do të përfundojë, por jo ndjesia e përbuzjes, mëpërkëmbjes dhe talljes së kryeministrit!

/portali DurresLajm/

Na bëni like në facebook!: 

Lajme nga e njëjta kategori

Sekretari i Përgjithshëm i PD, Gazment Bardhi ka reaguar pas publikimit nga mediat të përgjimeve të biznesmenëve të Ndraghetës, ku biznes

Ish-deputetja e PD-së, Grida Duma ka akuzuar kryeministrin Edi Rama dhe qeverinë e tij se fsheh vdekjet nga koronavirusi në vend.

Ambasadorët e SHBA dhe BE në Tiranë, Yuri Kim dhe Luigi Soreca kanë zhvilluar një takim me kreun e Këshillit të Emërimeve në Drejtësi Erv

Presidenti Ilir Meta ka deklaruar se Shqipëria ka barrën fiskale më të lartë dhe të ardhurat publike më të ulëta, krahasuar me vendet e r

Organizata për Siguri dhe Bashkëpunim në Evropë (OSBE) është partnerja kryesore e Shqipërisë në procesin zgjedhor që do të kulmojë me zgj

Dega e LSI-së në Berat, në Gjeroven, është shkrirë e gjitha dhe të 140 anëtarët e saj pritet t'i bashkohen Partisë Socialiste.

Nënkryetari i PD-së në Vlorë, Lorenc Danaj përmes një deklarate në portën lindore të Portit të Vlorës, shprehet se zhvendosja e Portit De

Ambasadorja amerikane në Shqipëri, Yuri Kim ka ripublikuar deklaratën e 22 korrikut 2020 kur i bënte thirrje partive politike që të kontr

Pas një jave pune parapërgatitore, edhe pse në kushtet të vështira atmosferike ka nisur puna në kantierin e Spitalit Rajonal në Fier, ku