PD-LSI kërkesë Kuvendit: Komision Hetimor për rastin ‘Cakaj’

11/01/2019 - 17:45

LSI dhe PD janë bërë bashkë ndërsa i janë drejtuar me një kërkesë Kuvendit për ngritjen e një Komisioni Hetimor për çështjen ‘Cakaj’. Kërkesa në fjalë bëhet për të kontrolluar ligjshmërinë e veprimeve të institucioneve shtetërore për rastin e shkeljes së ligjit nga DSIK.

KERKESAT E OPOZITES

Opozita dorëzoi në Kuvend kërkesën për ngritjen e një komisioni hetimor që do të verifikojë nëse DSIK e ka zbatuar ligjin për pajisjen e zëvendësministrit të jahstëm Gent Cakaj me certifikatë sigurie dhe si është zbatuar ligji për administrimin dhe përpunimin e informacioneve pa qenë i pajisur më parë me këtë dokument.

Në kërkesën e opozitës janë 4 çështje që janë objekt i hetimit parlamentar, i cili u paralajmërua një ditë më parë nga kreu i opozitës Lulzim Basha, gjatë emisionit Opinion. Bie në sy se një nga personat që do të hetohet nga parlamenti është kryeministri Edi Rama për rolin e tij në shkeljen e rregullave për garantimin e sekretit shtetëror. 4 çështjet objekt i komisionit hetimor të kërkuar nga opozita janë:

1. Verifikimi i ligjshmërisë dhe efekteve të veprimeve të institucioneve shtetërore në pajisjen e z. Gent Cakaj me “certifikatë sigurie” nga DSIK;
2. Roli i Këshillit të Ministrave, Kryeministrit apo ministrave përgjegjës në shkeljen e procedurave dhe rregullave për garantimin e informacionit “sekret shteërore” dhe shkeljen e procedurave për pajisjen e z. Cakaj me “certifikatë sigurie”;
3. Arsyet e moszbatimit të ligjit nga z. Gent Cakaj për mbi 7 muaj dhe pasojat që ka sjellë për sigurinë kombëtare dhe angazhimet e Shqipërisë si vend anëtar i NATO-s dhe vend kandidat për në BE;

4. Autoritetet përgjegjëse që kanë lejuar z. Cakaj, të administrojë dhe përpunojë informacion të klasifikuar, pa qenë më parë i pajisur me “certifikatë sigurie”.

Kërkesa e opozitës për komision hetimor merr shkas nga informacionet zyrtare të paraqitura në dekretin e Presidentit për refuzimin e dekretimit të Genti Cakaj si Ministër i Jashtëm. Dokumentacion konfirmon se:

· DSIK e ka pajisur Genti Cakajn me një certifikatë sigurie 5 vjeccare brenda 24 orësh në kundërshtim me ligjin, i cili detyron që procedura për certifikatën brenda ditësh ka afat vetëm 1 mujor.
· DSIK nuk ka verifikuar Genti Cakajn në vendet ku ai ka jetuar gjatë, sin ë Belgjikë dhe Hungari.
· Genti Cakaj ka refuzuar për 7 muaj të kërkojë certifikatë sigurie, si person që trajton informacion të klasifikuar si sekret shtetëror nga NATO dhe BE, pavarësisht se strukturat e Ministrisë së Jashtme e kanë vënë në dijeni me shkresë zyrtare.
· Neglizhenca e zëvendësministrit të Jashtëm duke refuzuar të pajiset me certifikatë sigurie prej 7 muajsh ka ccuar nëzbatimin e akteve ligjore dhe nënligjore të sipërcituara, që sipas parashikimeve të ligjit përbëjnë shkelje penale dhe janë të dënueshme sipas legjislacionit në fuqi.

Në kërkesën e saj, opozita thekson se këto konstatime evidentojnë një situatë të rrezikshme për sigurinë kombëtare dhe ngrenë dyshime serioze mbi cenimin e detyrimeve që vendi ynë ka si vend anëtar i NATOS. “Në këto kushte, është ne detyrimin e Kuvendit të Shqipërisë që të ushtrojë kontroll parlamentar dhe eventualisht të individualizojë përgjegjësitë e institucioneve shtetërore në këtë çështje.”-thuhet në kërkesë.

Opozita kërkon që komisioni të ketë 9 anëtarë, ku kryetari të jetë nga PD, si dhe një afat kohor prej 3 muajsh. Sipas rregullores, Konferenca e Kryetarëve duhet të mblidhet jo më vonë se 5 ditë nga dorëzimi i kërkesës për të diskutuar kërkesën, përbërjen e komisionit, si dhe caktimin e datës së miratimit në Kuvend në seancën plenare më të afërt.

/portali DurresLajm/

Na bëni like në facebook!: 

Lajme nga e njëjta kategori

Opozita është hermetike kur bëhet fjalë për të enjten e seancës plenare por sipas të gjitha gjasave do të ketë protestë.

Ambasada gjermane me seli në Tiranë përmes një deklarate për mediat shprehet për gjendjen aktuale politike në vendin tonë.

Kreu i Komisionit të Ligjeve, njëherësh edhe deputeti i PS, Ulsi Manja i është përgjigjur presidentit Ilir Meta.

Partia Demokratike ka reaguar pas akuzave të socialistëve se opozita ka lidhje me tritolin e vënë në shtyllën e tensionit të lartë mesdit

Kryetari i opozitës, Lulzim Basha  ka folur  për protestat që do të marrë opozita e bashkuar, pa tubimit të 16 marsit, që sipas tyre isht

Ministrja e Shtetit për Marrëdhëniet me Parlamentin, njëkohësisht zëdhënëse e Qeverisë Elisa Spiropali ka reaguar pas një ngjarjeje të nd

Bashkia e Tiranës, në bashkëpunim me Ministrinë e Brendshme dhe kompaninë ALEAT, hapën zyrat e reja për aplikimin për mjetet biometrike t

Presidenti Ilir Meta, duke folur për gazetarët në përfundim të një aktiviteti, tha se kriza politike në vend është thelluar, teksa u ka b

Pas vendimit të Partisë Socialiste për të emëruar ish-ministrin e Infrastrukturës dhe Energjetikes, Damian Gjiknuri në postin e Sekretari

Kreu i grupit parlamentar të Partisë Socialiste, Taulant Balla shpreh bindjen se Partia Demokratike, do të marrë pjesë në zgjedhjet lokal