PD: Veliaj urdhëroi zhdukjen e çdo gjurme kriminale në shpërthimin e bombolës në çerdhe

17/08/2018 - 13:55

Partisa Demokratike, ka akuzuar kryebashkiakun e Tiranës Erion Veliajn, se ka fshehur ngjarjen e shpërthimit të një bombole gazi në magazinën e një çerdhjeje në kryeqytet.

Deputeti demokrat Gent Strazimiri tha se Veliaj urdhëroi zhdukjen e çdo gjurme kriminale në shpërtimin e bombolës së gazit në çerdhen 14.

“Nëse Prokuoria do hetonte ngjarjen, ,Veliaj do të ishte në burg si përgjegjës për manipulimin e provave”, tha Strazimiri në një deklaratë për mediat nga selia blu.

DEKLARATA E PLOTË

Ngjarja skandaloze e shpërthimit të gazit në një çerdhe të Tiranës i ka hequr lustrën e propagandës dhe ka nxjerrë Erion Veliajn e vërtetë, atë që jo të gjithë e njohin: një mashtrues të korruptuar, që nuk kursen as fëmijët për hir të pushtetit. Erion Veliaj vazhdon të heshtë për ngjarjen e tmerrshme në çerdhen 14 të Tiranës, ku shpërthimi i fuqishëm,, fatmirësisht, ndodhi në një orë kur çerdhet janë të zbrazura.

Njësoj siç veproi për të fshehur dhe pastaj për të mbuluar krimin e vrasjes së 16 vjeçarit Ardit Gjoklaj tek plehrat e Sharrës, Erion Veliaj ka urdhëruar zhdukjen e çdo gjurme të përgjegjësisë kriminale të Bashkisë së Tiranës për shpërthimin shkatërrues nga një bombol gazi, në çerdhen 14 në Ali Dem.

Erion Veliaj është angazhuar personalisht të gënjejë dhe mashtrojë çdo njeri publik që flet për ngjarjen, duke u thënë se shpërthimi ishte në një godinë jashtë çerdhes dhe pa lidhje me të. Erion Veliaj urdhëroi vartësit të gënjenin prindërit e alarmuar duke u thënë se çerdhja nuk përdorte gaz.

Pamjet televizive të ekraneve që nuk e çensuruan ngjarjen, siç e çensuroi Top Channel, dhe dëshmitë e gazetarëve nga vendngjarja provojnë mashtrimin kriminal të Erion Veliajt. Tregojnë se shpërthimi është brenda çerdhes dhe se prindërit dëshmonin për erën e fortë të gazit.

Një kryebashkiak i përgjegjshëm, që nuk i përdor fëmijët për fasadë dhe propagandë, do të kishte sqaruar publikisht rrethanat që, vec për hatër të Zotit nuk sollën një tragjedi, si dhe do të kishte marrë masa urgjente për të verifikuar gjendjen e të gjitha çerdheve dhe kopshteve në Tiranë! Realiteti është se Tirana drejtohet nga një mashtrues dhe hajdut që bën gjithçka për të fshehur krimet e tij.

Nëse Prokuroria do të ishte në krye të detyrës dhe jo nën kontrollin e qeverisë, Erjon Veliaj do të ishte në burg si përgjegjës për manipulimin dhe fshehjen e provave, ose e thenë me terma teknike ‘pr pengim të drejtesise’, të së vërtetës! Çështja është se “drejtesia” nuk po e kërkon TE VERTETEN!

/portali DurresLajm/

Na bëni like në facebook!: 

Lajme nga e njëjta kategori

Në një deklaratë për mediat, kreu i opozitës, Lulzim Basha ritheksoi edhe njëherë nga Berati se qytetarët treguan në 30 qershor “nevojën

Kryetarja e LSI, Monika Kryemadhi ka zhvilluar një takim me strukturat e partisë që drejton në Durrës.

Kryedemokrati Lulzim Basha ka qenë sot në Urën Vajgurore dhe Kuçovë, ku është takuar me strukturat e PD.

Kryetari i Partisë Demokratike, Lulzim Basha, do të zhvillojë një takim me strukturat e partisë.

Ndërsa socialistët kanë marrë 60 bashku nga 61 gjithsej, duket se meraku i kryeministrit Edi Rama mbeten bashkitë e drejtuara deri tani n

Socialistët kanë nisur procedurat për shkarkimin e anëtarit të Këshillit Mbikëqyrës të Bankës së Shqipërisë Arben Malaj për shkak të “shk

Përmes një deklarate zyrtare, ministrja e Financave, Anila Denaj ka reaguar pas debatit të krijuar për dhënien me koncension të shërbimit

Në një postim të gjatë në Facebook, Presidenti Ilir Meta, ka vijuar me akuzat ndaj kryeministrit Edi Rama për kapjen e reformës në drejtë

Kreu i Partisë Agrare Ambientaliste, Agron Duka ka reaguar rreth kërkesës së Partisë Socialiste për shkarkimin e Arben Malajt nga Këshill

Ministri i Bujqësisë dhe Zhvillimit Rural, Bledi Çuçi zhvilloi një takim në Sarandë me Task Forcën për mbarëvajtjen e sezonit turistik ng